web counter
LEXO PA REKLAMA!

SHKARKO APP

App Store
Google Play

Plazhet kroate "ndoten" me kanabis shqiptar

18 Mars 2018, 12:30, Sociale CNA

Dy ditë më parë u nënshkrua një marrëveshje bashkëpunimi e Ministrisë sonë të Mjedisit me PNUD-in (me financim kroat) për të mbajtur të pastër brigjet e Adriatikut.

Kroacia ia kishte parë sherrin plehrave shqiptare, që ndotnin masivisht portet kroate sidomos plazhet përrreth Dubrovnikut (Raguzës). E veçanta e këtyre ndotjeve të vazhdueshme shqiptare ishte edhe dalja në Plazhin Banje të Dubrovnikut e një mine detare prodhim kinez, tip MAO-2 prodhuar në fabrikën Fengxi, që me patjetër kishte origjinë shqiptare, sepse në Adriatik, Jon dhe Egje vetëm Shqipëria ka pasur në arsenalet e veta të tilla mina detare.

Pa u tharë mirë boja e nënshkrimit të ministrit Blendi Klosi dhe të përfaqësuesit të PNUD-it Brian Willimas, përsëri plazhet kroate rreth Dubrovnikut u ndotën kësaj radhe jo me plehra, por me ?mall? nga Shqipëria.

Erërat e forta jugore sollën në Molin e Qytetit të vjetër të Dubrovnikut dhjetra ballo plot me kanabis. Motorskafët e policisë kanë arritur të peshkojnë rreth 20 ballo të tilla, por besohet se disa mund të jenë nxjerrë nga deti edhe nga barkat e peshkatarëve apo të kenë rënë në duart e qytetarëve të Dubrovnikut, kur valët e detit i kanë nxjerrë ballot në plazh.

Oficeri i policisë dubrovnikase Andrej Biskup me gradën ?porucnik? informoi mediat se ballot me kanabis duhet t?i përkasin një gomoneje (skafi), që i nisur nga bregdeti shqiptar afër grykëderdhjes së Bunës po lundronte për në Itali. Kroatët ndruhen se droga ka përfunduar në mëshirë të dallgëve dhe rrymave detare pas mbytjes së mjetit lundrues të trafikantëve./Gjergj Thanasi

 





Lajmet e fundit nga