web counter
LEXO PA REKLAMA!

SHKARKO APP

App Store
Google Play

Rama e pranon në Bruksel: Shqipëria s'mund të bëhet anëtare e BE, por...

20 Mars 2018, 14:46, Aktualitet CNA

Kryeministri Edi Rama, ka mbajtur fjalën e tij në konferencën, “Miqtë e Shqipërisë”, që po zhvillohet në Bruksel.

Rama u shpreh se Shqipëria i ka përmbushur detyrat e shtëpisë, e kësisoj meriton çeljen e negociatave për integrimin evropian të vendit. Sipas tij, të thuash për shqiptarët se zotërojnë perandorinë e krimit në Evropë është qesharake.

Më tej kryeministri u shpreh se nuk kërkonte anëtarësim në BE, pasi e di që kjo nuk mund të bëhet, pasi vendi ynë ka ende probleme me krimin e organizuar, korrupsionin, drejtësinë etj..

“Nuk po vijmë këtë për tu thënë se duam të bëhemi anëtar, sepse e dimë që s’mund të bëhemi anëtar. Ne kemi probleme ende me krimin e organizuar, korrupsionin dhe drejtësinë. Ne jemi këtu për të thënë se duhet të hapen negociatat.

Ne kishim problem me kanabisin, por sot po e luftojmë më shumë se kurrë.

Shqipëria nuk po kërkon asnjë dhuratë, e as ndonjë lloj favori që ne nuk e meritojmë. Po kërkojmë thjeshtë hapjen e negociatave, pasi e meritojmë. Kemi plotësuar një nga një të gjitha detyrat e Shqipërisë të vendosura nga BE.

Kërkojmë dritën e gjelbër për nisjen e negociatave për anëtarësimin e Shqipërisë, pasi ne e meritojmë.”, – tha Rama.

Më tej ai u shpreh se, “Çelja e negociatave me Shqipërinë nuk është çelja e një problemi të ri, por çelja e një procesi që do ta bëjë. O do të jemi Evropë, ose do të jemi një shqetësim për Evropën.” /CNA.al





Lajmet e fundit nga