web counter
LEXO PA REKLAMA!

SHKARKO APP

App Store
Google Play

Çdo të ndodh nëse marrëveshja e kufirit Kosovë-Mali i Zi nuk votohet nesër?

19 Mars 2018, 21:36, Aktualitet CNA

Nesër pritet të jetë dita vendimtare sa i përket mbylljes së kapitullit për ratifikimin apo jo të marrëeshjes së kufirit Kosovë-Mali i Zi.

Deputetët e Kuvendit të Kosovës, nesër pritet që ti japin epilog kësaj teme,që tash e tri vite ka qenë bllokuese e shumë proceseve në vend, e konkretisht liberalizimit të vizave për qytetarët e Kosovës.

Mirëpo, edhe përkundër kësaj ende nuk dihet saktë nëse janë siguruar votat e duhura për kalimin e kësaj marrëveshje, ku për ratifikim të saj nevojiten 80 vota nga 120 deputetë sa ka Kuvendi i Kosovës.

Deri tani është thënë se koalicioni qeverisës PDK-AAK-Nisma së bashku me votat e LDK-së kanë siguruar 79 vota, por ende janë në kërkim të një vote.

Votat kundër kësaj marrëveshje tashmë i ka deklaruar Lëvizja Vetëvendosje, dhe Lista Serbe, ku kjo e fundit ka thënë se nuk është që ju intereson edhe shumë çështja e demarkacionit.

E mos kalimi i kësaj marrëveshje nesër në Kuvendin e Kosovës, sipas analistëve do të jetë vazhdimësi e krizës politike në vend si dhe shkak për rrëzimin e qeverisë.

Ismet Kryeziu nga Instituti Demokratik i Kosovës, ka thënë për “Telegrafin” se marrëveshja për shënjimin e kufirit në mes Kosovës dhe Malit të Zi, do të duhej të marr një epilog përfundimtar nesër.

? … Në të kundërtën mungesa e votës për ratifikimin e kësaj marrëveshje do të jetë vazhdimësi e krizës politike dhe institucionale edhe humbje e interesit të partnerëve ndërkombëtar për të ndihmuar dinamiken e nevojshme të zhvillimit të Kosovës?, ka thënë Kryeziu. Duke shtuar se dhe rrëzimi i qeverisë ose zgjedhjet e jashtëzakonshme si pasojë e mungesës së votës për ratifikimin e marrëveshjes do të jenë më shumë pengesë edhe humbje e mundësive se sa situatë e re dhe e favorshme.

Edhe analisti, Imer Mushkolaj ka theksuar për “Telegraf” se nuk ka arsye që çështja e demarkacionit me Malin e Zi të zvarritet edhe më tej. Në rast se koalicioni qeverisës nuk i ka votat e duhura, atëherë sipas tij nuk ka arsye që të qëndrojnë në krye të shtetit, ka vlerësuar Mushkolaj.





Lajmet e fundit nga