web counter
LEXO PA REKLAMA!

SHKARKO APP

App Store
Google Play

Përmbytjet në Shkodër/ Shemsi Prençi ndryshon mendje, kërkon shpalljen e gjendjes së emergjencës

20 Mars 2018, 18:39, Aktualitet CNA

Kreu i Emergjencave Civile, Shemsi Prençi, ka ngritur alarmin lidhur me situatën e përmbytjeve në Shkodër.

Prençi është shprehur se në zonat që ndodhen nën ujë ka argjinatura të dëmtuara ndërsa ka kërkuar që duhet shpallur gjendja emergjente pjesore.

?Ka argjinatura të dëmtuara , lëvizja e qytetarëve dhe gjësë së gjallë nuk është e lirë dhe situata e natës nuk dihet çfarë sjell. Kemi 72 orë në dispozicion për të treguar veten nëse vlejmë apo dështojmë?, – është shprehur Prençi, ndërsa i bëri thirrje prokurorit të Shkodrës: ?Kërkoj prokurorin e rrethit këtu. Janë ndërtuar vepra publike me kosto duke bllokuar kanale kulluese?.

Prençi lajmëroi se janë nisur pjesëtarë të ushtrisë nga Tirana, për të parandaluar rreziqet e rënda, ndërsa akuzoi një kompani private se ka dëmtuar kanalet e kullimit gjatë punimeve në rrugë.

?Kanalet kulluese, kanë dritare me përmasa të ndryshme. Segmenti nga Trushi nga Ura e Gjolulit, kullimi nga të dyja anët është bllokuar për shkak të defekteve të veprave kulluese. Të ndërtohet një rrugë në vitin 2018, pa u marrë në konsideratë harta e përmbytjeve në vitin 2010, 2011, kjo është për t?u hetuar. Unë nuk e kam tagrin, por nuk mund të hesht, për ato vepra që ndërtohen sot dhe shkaktojnë përmbytje. Këtu duhet të stopohen menjëherë punimet që bën firma e ndërtimit. Duhet të rifillojë, sapo të mbarojë punë Prokuroria. Realisht është për të ardhur keq, të njëjtën gjë kemi konstatuar edhe vjet, edhe dje bashkë. Unë kam mendimin pas shpëtimit të jetëve njerëzore dhe bagëtive, duhet monitorim, ruajtje e argjinaturave, nga pushteti vendor dhe policia, me barrierat profesionale,metalike. Nëse shpërthen argjinatura, pak ujë ngelet në Bunë?, – është shprehur Prençi.

Përkundër kësaj situate të krijuar, Prençi pak ditë më parë pati deklaruar se nuk ka situatë emergjente, por sot i gjendur në prag të një katastrofe natyrore është detyruar të ndryshojë fjalën e tij. /CNA.al





Lajmet e fundit nga