web counter
LEXO PA REKLAMA!

SHKARKO APP

App Store
Google Play

Nis seanca për Demarkacionin/ Vota e 80-të mban peng fatin europian të Kosovës

20 Mars 2018, 16:00, Aktualitet CNA

Sikurse ishte paralajmëruar ka nisur rreth orës 16.00, në sallën plenare të Kuvendit seanca për ratifikimin e Marrëveshjes së Kufirit të Kosovës me Malin e Zi, e njohur edhe si Marrëveshja e Demarkacionit.

Ajo që e bën të ndiqet me vëmendje këtë seancë të disaherëdështuar është fakti se deri dje miratimi apo mosmiratimi i saj ka qenë epiqendër diskutimesh për shkak të mossigurimit të tetëdhjetë votave të duhura për kalimin e saj.

Ndërkohë që në prononcimin e fundit kryeministri Haradinaj e përmblodhi sigurimin e 80 votave me frazën:

“Nëse nuk do ti kishim siguruar votat e duhura Kuvendi nuk do të ishte mbledhur në seancë plenare”, një pohim entuziast ky që është artikuluar edhe më parë në seancat e dështuara, dy subjektet politike: VetëVendosja dhe Lista Serbe, nga ku shpresohet të sigurohet vota e 80-të, janë shprehur kategorik kundër dhënies së saj “pro” marreveshjes.

Po atëherë, si do të vejë fati i marrëveshjes në këtë seancë dhe ku e ka bazuar Haradinaj deklaratën e sigurisë, dhenë para fillimit të seancës, për ratifikimin e saj?

Kujtojmë se mosvotimi i Demarkacionit e shtyn më tej fatin e liberalizimit të vizave për popullsinë kosovare, e cila është e vetmja e privuar nga lëvizja e lirë. Por ajo fut në ngërç edhe fatin euroatlantik të Kosovës.

Gjithsesi të presim fundin e seancësm që vijon me diskutimet e mbushura me retorika “pro” e “kundër” ratifikimit të marrëveshjes së kufirit Kosovë-Mali i Zi. /CNA.al





Lajmet e fundit nga