web counter
LEXO PA REKLAMA!

SHKARKO APP

App Store
Google Play

E fundit!

x

Qeveria bën "rrush e kumbulla" Rezervën shtetërore/ Mësoni sa ka harxhuar për tre muaj

16 Mars 2018, 18:23, Aktualitet CNA

Nga rreth 4 milion e 800 mijë euro të planifikuar si  fond vjetor i Rezevës shtetërore për këtë vit janë ndarë , deri në javën e parë të këtij muaji janë shpenzuar mbi 2 milionë euro.

Fjala është për Qeverinë e Kosovës, e cila ka shpenzuar gati gjysmën e rezervëse shtetërore vetëm për tre muajit e parë të këtij viti.

Për shpenzimin e paarsyeshëm të kësaj shume, raporton “Zeri.Info”, ka ngritur shqetësim edhe ministri i Financave, Bedri Hamza duke thënë se ? rezervat janë duke shkuar kah fundi?.

Muharrem Shahini, zëdhënës në Ministrinë e Financave të Kosovësm tha për radion “Evropa e Lirë:

?Ministri Hamza, publikisht ka kërkuar që kërkesat të planifikohen me kohë dhe të futen brenda planifikimeve të rregullta të buxhetit. Ndërsa rezerva shtetërore të ruhet për rastet të cilat nën asnjë rrethanë nuk kanë mundur të planifikohen, siç mund të ndodh në rastet e fatkeqësive apo diçka tjetër, që nuk janë paraparë me buxhet?, tha Shahini

Në bazë të ligjit shpenzimet e paparashikuara apo rezervat shtetërore mund të shpenzohen vetëm në raste urgjente dhe të paparashikuara.

Alarmuese e quan mënyrën e shpenzimeve të parave publike nga Qeveria e udhëhequr nga kryeministri Ramush Haradinaj, edhe deputeti Lumir Abdixhiku nga radhët e Lidhjes Demokratike të Kosovës.

Abdixhiku, i cili është edhe kryetar i Komisionit për Buxhet dhe Financa në Kuvendin e Kosovës, tha për radion “Evropa e Lirë” se rezervat shtetërore janë ndarë në mënyrë kaotike, pa ndonjë kriter apo arsye të caktuar.

Një shumë më e madhe e mjeteve financiare nga rezervat shtetërore janë ndarë për organizimin e manifestimeve të ndryshme dhe për energji.

Ekspertë për çështje ekonomike thonë se përdorimi i mjeteve të rezervave shtetërore ishte i paarsyeshëm, pasi që, sipas tyre, këto mjete duhet të shpenzohen në raste emergjente./CNA.al





Lajmet e fundit nga