E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Damës Monikë i’u kthye çizmja mbrapsht

9 Mars 2018, 09:58, Opinione CNA

Pak kush e harron ?Zonjën e Parë? të vendit kur në mes të parlamentit hoqi çizmen dhe e gjuajti në drejtim të Kryeministrit Edi Rama, me të cilin vetëm një vit më parë ishte në qeveri e në tepsi.

?Dama Kryemadhi? nuk u mjaftua me kaq, por në ditët në vijim përmes ekraneve lëshonte akuza karshi kësaj qeverie, thua se kjo vinte nga një tjetër planet dhe do nxirrte Shqipërinë nga gropa septike ku ajo dhe bashkëshorti i saj kanë dhënë jo pak kontribut për të futur aty.

Betohej e përbetohej se kryeministri ende s?ka parë asgjë dhe duke përfituar nga qetësia e liderit Partisë Demokratike vodhi edhe protagonizimin e protestave të opozitës, teksa PD sillte njerëzit, ndërsa LSI furnizonte tubimin me shoë.

Të dalësh nga tepsia për dikë që gjithë jetën ka qenë pjesë saj duhet të jetë e vështirë, por zonja e jonë e parë e përjetoi shumë keq.

Po të shkosh përtej tepsisë dhe aktrimit ?revolta? e zonjës Kryemadhi karshi qeverisë e kishte një të mirë pasi ky popull ka nevoje për politikanë që e ngrenë zërin pavarësisht motiveve në prapaskenë.

Kërcënimet dhe rebelimet e Kryemadhit rezultuan një flakë kashte, pasi mjaftuan dy lëvizje të Prokurorisë dhe opozitarizimin e LSI-së e kaploi heshtja.

Kjo forcë politike sot përfaqësohet në ekrane nga dy tre deputetë të rinj, që si lidh asgjë me korrupsionin dhe shërbejnë si fasadë.

Bajlozët janë strukur më vilat e tyre të mbushura me para cash dhe ashtu si ai nxënësi i dobët pret që mësuesi i fizikës tu thërrasë emrin për në tabele, edhe ata presin fletë-thirrjet e Prokurorisë për dosjet e korrupsionit që i kanë kushtuar shqiptarëve miliona euro.

Kjo është arsyeja pse zonja Kryemadhi dhe shpura e saj heshtin pasi zhurma e kërcitjes prangave i shurdhon dhe i bën të dridhen, pasi nuk është e largët dita kur disa peshq te vegjël ose të mesëm do japin llogari për krimet e tyre.

Nga frika dhe makutëria ata s?do ngurojnë të nxjerrin emrat e bajlozëve të korrupsionit.

Ky popull nuk mban më dhe aq më tepër të shoh aktrim e moral nga ata që janë shëmbëlltyra më e neveritshme e korrupsionit në këtë vend./Kol Nikollaj