web counter
LEXO PA REKLAMA!

SHKARKO APP

App Store
Google Play

E fundit!

x

Pse nuk e heton Arta Marku dosjen e Alket Hysenit?

7 Mars 2018, 14:52, Aktualitet CNA

CNA.al (CityNews Albania) ka  raportuar  më herët për ish-doganierin, deputet Alket Hyseni, rreth pasurisë së tij marramendëse, historisë së tij në dogana, në Partinë Socialiste, por dhe për lidhjet e tij të dyshimta klienteliste.

Vetëm 44 vjeç, Hyseni ka një pasuri përrallore.

Siç duket i kanë mjaftuar pesë vite në doganë, me studio ligjore, që pasuria t?i llogaritet në miliona dollarë.

Përkundër këtyre shifrave dhe përkundër të kaluarës së errët të Alket Hysenit në dogana, Kryeprokurorja Arta Marku, qëndron indiferente.

Në rastin e ish-deputetit socialist, Alfred Peza, Prokuroria hapi hetime, se ai qe gazetar, kurse ky që ka qenë doganier dhe është bërë deputet i Partisë Socialiste, nuk i hapet hetim.

Nuk i verifikohet pasuria, për të mësuar cili është burimi i të ardhurave që i ka siguruar pasuritë e paluajtshme.

Në rast se Peza kishte një milion dollarë dhe kishte një përqindje aksionesh në një bankë, Hyseni ka afërsisht po aq me toka dhe troje.

Peza akuzohet për fshehje të të ardhurave dhe evazion fiskal, por sa taksa ka paguar Alket Hyseni për të ardhurat e  siguruara për pasurinë marramendëse që ka?

Pyetja shtrohet se përse  Kryeprokurorja Arta Marku, nuk urdhëron Prokurorinë e Krimeve të Rënda për nisjen e hetimeve?

Çfarë po e pengon Kryeprokuroren Marku që të urdhërojë hapjen  e hetimeve për Alket Hysenin, që në fund, të kuptojmë si qëndron e vërteta e doganierit që u bë miliarder dhe më pas politikan?

Më poshtë po sjellim deklarimin e pasurisë së Alket Hysenit./CNA.al

Zbulohet deputeti, ish-doganier me miliona dollarë pasuri

A do ta tundë Arta Marku me deputetin doganier?!





Lajmet e fundit nga