web counter
LEXO PA REKLAMA!

SHKARKO APP

App Store
Google Play

E fundit!

x

Skandali i radhës nga Basha/ Shkel statutin dhe ndërpret mandatin e Forumit

7 Mars 2018, 10:45, Aktualitet CNA

Kryetari i Partisë Demokratike, njoftoi dje në mënyrë të rrufeshme se PD duhet të mblidhte Kuvendin dhe strukturat e larta si Këshillin Kombëtar etj, të cilët Basha nuk i ka mbledhur asnjëherë në katër vjet.

Anëtarët e kryesisë, Këshilli Kombëtar dhe strukturat e PD me statut kur zgjidhen kanë një periudhë të caktuar katër vjeçare. Kuvendi është mbledhur në 27 shtator të vitit 2014, ku është zgjedhur Këshilli Kombëtar i kësaj partie, i cili sipas statusit, nenit 36 të tij ka katër vite mandat.

Me qëndrimin e bërë dje publik nga kryetari i opozitës, të gjithëve do t?ju shkurtohet mandati me afërsisht gjashtë muaj. Kuvendi i ardhshëm minimalisht duhej të zgjidhej rreth 27 shtatorit.

Basha nuk toleroi asnjë ditë për zgjedhjen e kryetarit. E bëri në kohë, megjithëse kishte humbur turpshëm zgjedhjet. Këtyre u pret mandatin, kur në fakt mandati duhej ti pritej Bashës.

PD pritet të fillojë zgjedhjet në degë të cilat pasojnë të ashtuquajturën analizë pas humbjes në zgjedhje. Analizë e cila filloi dhe nuk përfundoi kurrë, analizë të cilen nuk e kanë diskutuar në asnjë forum të partisë, pasi Basha nuk i ka qejf institucionet politike të PD-së.

Pa analizuar zgjedhjet, në shkelje të statutit, dje Basha ka bërë publikisht një qëndrim, ka bërë një kapërcim 180 gradë nga njeriu që urrente forumet tek njeriu që ?dashuron? forumet, por edhe kur i ?dashuron? këtë e bën me dhunë, pasi hapur në shkelje të statutit shkel mandatin e të zgjedhurve në forum./ CNA.al





Lajmet e fundit nga