web counter
LEXO PA REKLAMA!

SHKARKO APP

App Store
Google Play

Nga takimi me zyrtarë të OKB-së/ Ruçi:Shqipëria do të rrisë bashkëpunimin ekonomik në gjashtë sektorë

3 Mars 2018, 10:14, Politikë CNA

Kryetari i Kuvendit të Shqipërisë, z. Gramoz Ruçi u prit në një takim nga znj. Olga Algayerova, Sekretare Ekzekutive e Komisionit Ekonomik të Kombeve të Bashkuara për Evropën (UNECE).

Ruçi shoqërohej në takim nga Kryetari i Grupit Parlamentar të Partisë Socialiste z. Taulant Balla dhe nga Koordinatori i OKB-së dhe përfaqësuesi i PNUD-it në Shqipëri z. Brian Ëilliams.

Pasi theksoi rolin e rëndësishëm që ka bashkëpunimi ekonomik në Organizatën e Kombeve të Bashkuara, z. Ruçi e shpreh se Shqipëria do të rrisë bashkëpunimin në sektorë si bujqësia, transporti, lehtësimet në shkëmbimet tregtare, energjia, statistikat, dhe dixhitalizimi i publikimeve.

Pjesë e takimit ishte edhe çështja e Objektivave të Zhvillimit të Qëndrueshëm, ku Kryetari i Kuvendit u shpreh se në muajin dhjetor të vitit të kaluar, Kuvendi i Shqipërisë miratoi me unanimitet rezolutën për Objektivat e Zhvillimit të Qëndrueshëm.

Për zbatimin e kësaj rezolute, z. Ruçi tha se Qeveria Shqiptare në bashkëpunim me misionin e UN në Tiranë filloi një zbatim gjithëpërfshirës në përputhje me Strategjinë Kombëtare për Zhvillim dhe Integrim 2015-2020 dhe axhendën e integrimit të vendit në Bashkimin Evropian./CNA.al





Lajmet e fundit nga