web counter
LEXO PA REKLAMA!

SHKARKO APP

App Store
Google Play

E fundit!

x

Pensionet/ Zbardhet skema e llogaritjes, para dhe pas ‘94

25 Shkurt 2018, 07:48, Ekonomi CNA

Skema e pensioneve që qeveria ka përgatitur, parashikon që pensionet e të të moshuarve të jenë më të larta.

Skema parashikon që pagat para dhe pas vitit 1994, të shumëzohen me një koeficent, i cili është 8.59.

Pra nëse në vitin 1993 keni pasur një pagë 5 mijë lekë të reja, atëherë ajo shumëzohet me koficientin 8.59 dhe për llogaritjen e pensionit merret parasysh paga 43 mijë lekë të reja.

Pra çdo pagë deri në vitin 2013 shumëzohet me një koeficient dhe kjo bëhet që pagat e ulëta në viteve të kooperativave bujqësore, por edhe deri në vitet 2000 të barazohen me pagat që janë sot.

Ligji për sigurimet shoqërore parashikon që:

?Pagat para ?94-s bashkohen me pagën ose kontributin që ka derdhur secili. Për të llogaritur pensionin, të dyja periudhat, para dhe pas ?94-s bashkohen dhe merret parasysh 1% e kontributit që është derdhur.

Baza e vlerësuar për llogaritjen e pensioneve llogaritet si raport i shumës së pagave, për të cilat janë paguar kontributet, me periudhën që njihet si periudhë sigurimi.

Për efekt të llogaritjes së pensioneve, baza e vlerësuar mesatare do të llogaritet bazuar në pagat referuese, sipas llojit të punës ose funksionit përpara datës 1.1.1994, si edhe mbi pagat individuale, mbi të cilat janë paguar kontributet sipas viteve, nga 1.1.1994 deri në 31.12.2014, të indeksuara me indeksin që del nga pjesëtimi i pagës minimale në shkallë vendi të vitit 2014 me pagën minimale të vitit 1994 ose me pagën minimale të vitit përkatës?.

Koeficientët për pagat para dhe pas 1994-së
Për pagat referuese, deri më 1.1.1994      8.59
Për pagat e vitit 1994               8.59
Për pagat e vitit 1995               6.92
Për pagat e vitit 1996               5.37
Për pagat e vitit 1997               5.37
Për pagat e vitit 1998               4.48
Për pagat e vitit 1999               3.64
Për pagat e vitit 2000               3.31
Për pagat e vitit 2001               2.83
Për pagat e vitit 2002               2.62
Për pagat e vitit 2003               2.34
Për pagat e vitit 2004               2.13
Për pagat e vitit 2005               1.93
Për pagat e vitit 2006               1.76
Për pagat e vitit 2007               1.67
Për pagat e vitit 2008               1.48
Për pagat e vitit 2009               1.36
Për pagat e vitit 2010               1.30
Për pagat e vitit 2011               1.25
Për pagat e vitit 2012               1.20
Për pagat e vitit 2013               1.16
Për pagat pas vitit 2014             1.00 /CNA.al





Lajmet e fundit nga