web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërimi i Patozit: Nuk do presim që Lulzim Basha të gabojë sërish

23 Shkurt 2018, 21:34, Politikë CNA

Një nga kritikët më të fortë të kryetarit të Partisë Demokratike, Astrit Patozi, e paralajmëroi Lulzim Bashën për nisjn e aksionit brenda PD-së, pasi grupi që kërkon reformimin e PD-së nuk do të presë që Basha të gabojë sërish në zgjedhjet e ardhshme.

Nga emisioni “Oktapod” Patozi vlerësoi se: “Armiqtë më të egër të PD-së nuk janë socialistët, nuk është PS-ja e as Edi Rama, por njerëzit që mendojnë se lidershipi i Lulzim Bashës është gjëja e duhur. Ata janë njerëz që duan që ta shohin në gropë Partinë Demokratike”.

Më tej ai u shpreh se: “Ne i kemi dhënë një platformë për ringritjen e PD-së dhe është në zgjedhjen e Bashës për të reflektuar. Situata aktuale në PD, ka qenë e qëllimshme, dhe gjërat e qëllimshme janë vështirë të përmirësohen. Nuk është problemi im, i Jozefina Topallit, Majlinda Bregut apo Ridvan Bodes e të tjerë që nuk dua t’i përmend, por i PD-së.”

Por çdo të ndodhë nëse PD-ja do të vijojë të bëjë patericën e qeverisë? Ishte pyetja të cilës Patozi iu përgjigj:”Kjo nuk do të pranohet asesi nga demokratët”.

Pasi  ai me demokratët e tjerë me kontribute në PD do të vijojnë aksionin politik, edhe pse nuk mund të thotë ende se në çfarë forme. /CNA.al





Lajmet e fundit nga