web counter
LEXO PA REKLAMA!

SHKARKO APP

App Store
Google Play

E fundit!

x

Arratiset Basha, shmang debatet për video-skandalin

15 Shkurt 2018, 07:56, Aktualitet CNA

Zyra për shtyp e Partisë Demokratike, ka njoftuar në orët e para të mëngjesit të sotëm, rreth orës 08:30 se kryetari i saj Lulzim Basha ka udhëtuar drejt Hungarisë.

?Me ftesë të kryeministrit të Hungarisë Viktor Orban, kryetari i Partisë Demokratike Lulzim Basha po merr pjesë në Samitin e Komitetit Ekzekutiv të CDI-së, Organizatës Botërore të Partive të Qendrës së Djathtë, i cili mbahet në Budapest.

Në fokus të takimit dy ditor, janë zhvillimet politike dhe bashkëpunimi mes partive të qendrës së djathtë.

Në Samit marrin pjesë një numër i madh drejtuesish politikë të Partisë Popullore Europiane dhe partive të qendrës së djathte nga e gjithë bota.?- thuhet në njoftimin për shtyp të PD.

Por ajo që bie në sy në këtë njoftim është fakti se është hera e parë që Partia Demokratike dërgon një njoftim për shtyp në këtë orë. Kjo tregon se Basha po përpiqet të shmangë debatin për video-skandalin e deputetit të tij, Ervin Salianji, i cili është kapur duke shkëmbyer biseda perverse gjatë një seance parlamentare në Kuvendin e Shqipërisë.

Mesa duket Basha nuk e përballon debatin dhe ka zgjedhur të ?fshihet.?. Gjen një justifikim dhe iken në jashtë vendit, duke shmangur kështu edhe debatet që priten të ndodhin sot në sallën e parlamentit. Por, ajo që nuk kupton Luli është se duke ikur, nuk ka për tu fshehur dot nga e vërteta.

Ky është largimi i dytë brenda javës i Lulzim Bashës që në katër ditë, tre ditë ka qënë jashtë. Basha është kthyer në Shqipëri të marten në darkë dhe sot ka udhëtuar drejt Budapestit dhe më pas pritet të shkojë në Hollandë.  / CNA.al





Lajmet e fundit nga