Tirana përtej fasadave/ Sheshi “Nënë Tereza”, një mbyllje kot së koti

11 Shkurt 2018, 13:35, Aktualitet CNA

Tirana, pa frikë mund të konsiderohet si një nga qytetet e vetme në botë ku nuk mund të llogaritësh orarin për të kryer punët e përditshme.

E vetmja gjë që Tirana ka me shumicë është kaosi në rrugë, pavarësisht investimeve që janë kryer.

Rreth 12 milionë euro janë investuar për projektin e sheshit ?Skënderbej? dhe qytetarët menduan se do të merrnin frymë lirisht.

Por, në fakt, njëherësh me bllokimin e sheshit ?Skënderbej?, ndodhi dhe bllokimi i sheshi ?Nënë Tereza?.

Pa asnjë argument, pa asnjë arsye, u vunë disa kangjella hekuri dhe u bllokua lëvizja e mjeteve ndërkohë që sheshi është një rrethrrotullim betoni dhe pjesa tjetër është bosh, pasi nuk ka asnjë aktivitet apo biznes.

Ndalimi i qarkullimit të automjeteve në Sheshin ?Nënë Tereza?, ka krijuar vështirësi në lëvizjen e makinave në disa nga kryqëzimet kryesore në qendër të Tiranës.

Vendimin e parë për bllokimin e sheshit ?Nënë Tereza?, e ka marrë ?Qeveria Rama 1? në vitin 2014 kur kryetar bashkie ishte Lulzim Basha, ndërsa tashmë e një vendim të tillë e ka marrë Erion Veliaj me pretekstin se do të shërbejë për këmbësorët.

Në fakt edhe teza për shërbim të këmbësorëve bie poshtë, pasi në bulevardin ?Nënë Tereza? nuk përdoret për shëtitje nga këmbësorët.

Në bulevard ndodhen Rekorati, Universiteti Politeknik, Akademia e Arteve dhe përgjatë rrugës ndodhet Pallati i Kongreseve paralel me Presidencën, ndërkaq që shkaktohet trafik i panevojshëm, pasi nuk aktivitete, për të cilat duhej bllokuar sheshi.

Qytetarët me taksat e tyre paguajnë për të patur rrugë më të mira dhe qarkullim të lirë, ndërkohë, Bashkia nis me ndërtimin e një rrugë dhe njëherësh shkatërron një tjetër.

Më e çuditshmja është që sheshi është bosh.

Është normale që të mbyllet kur ka një aktivitet, por kur s?ka agjë, do të ishte më e arsyeshme që të lirohej, gjë që do të lehtësonte trafikun në orët e mbrëmjes

Në rrugën ?Dëshmorët e kombit? janë ndërtuar korsi biçikletash si dhe trotuaret shumë të gjëra, ndaj nuk ishte e nevojshme që të kishte një pedonale kot, që veç sa pengon qarkullimin.

Kryebashkiaku Veliaj thotë se do t?i detyrojë njërezit që të dalin pa makina, ndërkohë që ai vetë lëviz me makinë, me shofer dhe nuk e përjeton kaosin e trafikut apo problemin e parkingut.

I gjithë ky stërmundim i qytetarëve dhe e gjithë kjo rrëmujë, ka zgjidhje të ndërmjetme, pasi trotuaret dhe korsitë mund të zgjatohen mirëpo askush nuk jep përgjegjësi se përse taksat e qytetarëve nuk përdoren për ta./CNA.al