web counter
LEXO PA REKLAMA!

SHKARKO APP

E fundit!

x

Lufta ndaj krimit/ Xhafaj zbulon takimin me ekspertët e FBI dhe DEA-s

8 Shkurt 2018, 14:34, Aktualitet CNA

Nga foltorja e Kuvendit, ministri i Brendshëm, Fatmir Xhafaj ka treguar për takimin e ditëve të fundit me ekspertë amerikanë të FBI-së e DEA-s.

Sipas ministrit Xhafaj, prania e këtyre ekpertëve në Tiranë, tregon se SHBA është krah Shqipërisë në luftën kundër krimit dhe korrupsionit.

?Shqipëria dhe populli shqiptar nuk kanë thjesht një marrëdhënie miqësore me SHBA. SHBA janë parë dhe shikohen akoma më shumë sot nga shqiptarët si vendi i cili, ndoshta si askush tjetër, ka kontribuuar më së pari për qenien e shtetit shqiptar dhe mandej për zhvillimin politik dhe ekonomik të tij.?- tha ministri Xhafaj.

Ndër të tjera Xhafaj theksoi se asnjë qeveri dhe asnjë grup politik, jo vetëm nuk e dëshiron, por as edhe nuk ka mundësi që këtë raport me SHBA ta qasë në kundërshtim me qasjen e popullit shqiptar kundrejt këtij vendi të madh mik.

?Takimet e shumta që kemi patur, edhe këto dy ditë në Tiranë, me ekspertë të FBI dhe DEA, për çështje konkrete dhe shumë të rëndësishme, janë shenjë e dukshme e besimit reciprok të konsoliduar mes nesh me këto dy agjenci ligjzbatuese me reputacion të padiskutueshëm ndërkombëtar.?- u shpreh Xhafaj./ CNA.al





Lajmet e fundit nga