E fundit!

09:05 Kosova & Bota

I nxehti përvëlon Europën Perëndimore/ Franca, Britania dhe Spanja përjetojnë temperatura rekord

Një valë e fortë të nxehti që ka përfshirë Europën Perëndi...

Zbardhen mashtrimet/ Qytetarët thyejnë propagandën e Ramës

8 Shkurt 2018, 09:05, Aktualitet CNA

Qytetarët kanë thyer propagandën e kryeministrit Rama, mëngjesin e sotëm.

Si çdo ditë Rama ka uruar mirëmëngjesin nga rrjetet sociale, duke propaganduar se tashmë qytetarët e kanë jetën më të lehtë, pasi u janë thjeshtësuar procedurat në administratë.

?Mirëmëngjes dhe me këto 75 sekonda që tregojnë për orët e gjata, paratë e shumta dhe stërmundimin e pamatë që u kursehet qytetarëve më në nevojë përmes thjeshtimit e minimizimit të procedurave administrative në ofrimin e shërbimeve, ju uroj një ditë të mbarë?, ka uruar Rama.

Mirëpo qytetarët e kanë hedhur poshtë propagandën e radhës së kryeministrit.

?Kanë kaluar mbi dy muaj e gjysëm dhe akoma Shqipëria që duam nuk më ka dhënë përgjigje, ku kam denoncuar disa afera korruptive të Drejtorisë rajonale Burrel. Zoti Kryeministër jam i lumtur të faktojnë të kundërtën por, të paktën të më japin përgjigjje?, ka shkruar një qytetar.

Të tjerë qytetarë e fajësojnë Ramën për varfërinë në Shqipëri dhe e akuzojnë për mashtrim.

?Zoti Kryeministër që 20 vite nuk ke bërë asgjë, sot del me justifikime të ndryshme. Të kesh turp që bën të gjithë fajtor, a nuk e shikon veten. Shqipëri e dashur, Shqipëri keq të ka katandisur ky njeri?, shkruan një nga komentuesit.

?Z. Rama pse mashtroni kaq shumë? Shikoni popullin si është katandis papunësia, varfëria, spitalet katastrofë, rrugët copë-copë?, ka qenë komenti tjetër në rrjetet sociale.

Më tej një nga qytetarët i ka përgënjeshtruar edhe reklamat që bën me portalin Shqipëria që duam. Sipas qytetarit, portal në fjalë nuk funksionon, pasi ai e ka provuar dhe nuk ka marrë asnjë përgjigje.

?Kam bërë një ankesë në portalin Shqipëria që duam për një problem të rëndësishëm edhe që nuk kam marrë zgjidhje, sepse ligji ka mangësi për personat me aftësi të kufizuara nuk parashikon asnjë pikë për personat që jetojnë jashtë Shqiperisë dhe që nuk kam mundësi të vijnë në Shqipëri dhe të dalin para komisionit eprore KMCAP.

Unë e kam të pamundur ardhjen time në Shqipëri. Arsyet i kam përcjellë tek portali, por më ka thënë që komisioni KMCAP nuk mund të vizitojë një paciente jashtë territorit të Shqipërisë e si pasojë, unë nuk mund të përfitoj pension nga ky difekt i ligjit. Edhe pse unë vuaj nga një sëmundje shumë e rrallë, mbahem gjallë mbas një makinerie me ushqim artificjal indovenose?, ka shkruar qytetari./CNA.al