web counter
LEXO PA REKLAMA!

SHKARKO APP

App Store
Google Play

E fundit!

x

Basha propozon “izolimin” e fermerëve shqiptare/ Ja faktet që e hedhin poshtë

8 Shkurt 2018, 12:01, Aktualitet CNA

Kryedemokrati Lulzim Basha në fjalën e tij nga foltorja e Kuvendit ka hedhur akuza të ashpra ndaj kryeministrit Edi Rama.

Basha ka folur në lidhje me takimin e zhvilluar në Divjakë, ndërsa tregoi për ankesat e fermerëve dhe për takimin e Ramës me ta para tij.

?Rama kishte qenë para meje në Divjakë dhe kur i ishin ankuar, iu kish thënë fermerëve i dini vetë ku i fusni prasët edhe karotat. Turp!?- tha Basha.

Ndër të tjera, ai ka propozuar që të vendosen tarifa doganore për produktet e BE-së, në mënyrë që sipas tij të favorizohen prodhimet vendase.

Mesa duket Lulzim Basha bën vetëm propagandë dhe ende nuk ka filluar të sillet si një politikan i ditur.

Ai kërkon vendosje dogane, por harron disa fakte.

Për një vend i cili aspiron për integrimin në BE, nuk ka sesi të të vendosë tarifa doganore të përkohshme për të bllokuar produktet e BE-së, kjo është e përcaktuar qartë në marrëveshjet dhe konventat e firmosura nga shtetit shqiptar, në të paktën 10 apo 15 vitet e fundit. Pa folur më tej për marrëveshje dypalëshe, apo hapësirën e lirë me Kosovën dhe çmimet e ulëta me të cilën vinë produktet nga vendet e BE-së, të cilat mbështesin dhe subvencionojnë bujqësinë.

Meqë Basha nuk e di dhe Rama nuk e bën, fermerët shqiptarë kanë nevojë për subvencione të forta dhe për politika apo mbështetje orientuese të qeverisë për ti çuar ata drejt tregjeve jashtë vendit dhe jo për ti izoluar apo gjoja mbrojtur duke vendosur tarifa doganore.

Kjo praktikë nuk përdoret në asnjë vend të botës. Në momentin që anëtarësohesh në BE, nuk mund të vendosen tarifa doganore të përkohshme, ashtu siç e propozon Basha.

Qeveria mund të ndërmarrë masa lehtësuese dhe subvencione ndaj prodhimeve vendase, por kjo nuk do të thotë të vendosë tarifa doganore për prodhimet e huaja./ CNA.al





Lajmet e fundit nga