web counter
LEXO PA REKLAMA!

SHKARKO APP

App Store
Google Play

E fundit!

x

Gjonaj ishte në dijeni të ekstradimit të Seitit/ Ja dokumentet që e vërtetojnë

8 Shkurt 2018, 12:46, Aktualitet CNA

Ministrja e Drejtësisë Etilda Gjonaj ështe thirrur sot në një interpelancë nga opozita në lidhje me ekstradimin e të ashtuquajturit financier i Habilajve, Nezar Seiti.

Gjonaj gjatë fjalës së saj nuk dha argumente bindëse se përse e lejoi ekstradimin e Seitit, ndërkohë që ndaj tij ka një hetim penal në Shqipëri, por më shumë u përqendrua në akuzat kundër opozitës, e cila sipas saj po shpif dhe po hedh akuza politike ndaj saj dhe ministrisë së Drejtësisë si dhe ishte në rolin e një aktorje që garonte për moderatore në ERTV.

Ndër të tjera ajo tha se ekstradimi i Seitit është bërë për shkak të një hetimi ndaj tij të nisur nga prokuroria e Katanias dhe kjo është një procedurë e ndjekur më parë edhe për shumë e shumë persona të tjerë, por pa dhënë shembuj konkret.

Por, i kujtojmë ministres Gjonaj se një person i cili rezulton të jetë nën hetim penal në Shqipëri, ligji nuk e lejon ekstradimin e tij.

Dokumentet që po sjellim më poshtë tregojnë se ministrja Gjonaj ka qënë në dijeni të hetimit që po zhvillohej në Shqipëri në ngarkim të shtetasit Nezar Siti. Ajo ka shkelur hapur ligjin dhe kjo nuk ka më asnjë diskutim politik ose jo.

Në momentin që Gjonaj e dinte që ndaj Seitit kishte nisur një hetim penal, duhej të kishte ndaluar esktradimin e tij.

Dokumentet tregojnë edhe nisjen e hetimit në Vlorë dhe se ajo ka qënë në dijeni të plotë. Çdo arsyetim i ministres Gjonaj mund ta çojë atë në argumente të gabuara dhe vërteton e zbardh më tej një krim të kryer prej saj me vetëdije./ CNA.al





Lajmet e fundit nga