E fundit!

12:04 Opinione Mentor Kikia

Funerali i “Investitorit Strategjik”, ligji më i zi në historinë e Parlamentit Shqiptar!

Kryeministri i Shqipërisë i premtoi Komisionit Europian se...

A do ta hetojë kryeprokurorja Marku ministren Gjonaj?

8 Shkurt 2018, 14:21, Aktualitet CNA

Ministrja e Drejtësisë, Etilda Gjonaj prej ditësh është në qendër të akuzave në lidhje me ekstradimin e të ashtuquajturit financier i Habilajve, Nazer Seitaj.

Ministrja e Drejtësisë, Etilda Gjonaj lejoi ekstradimin e Seitit në Itali, në një kohë që ndaj tij kishte nisur një hetim penal nga ana e autoriteteve shqiptare dhe Gjonaj ishte në dijeni të plotë të këtij fakti. Kështu që natyrshëm lind pyetja: A do të nisë një hetim penal kryeprokurorja Arta Marku ndaj ministres Etilda Gjonaj?

Ligji nuk e lejon ekstradimin e një shtetasi i cili është nën hetim penal nga autoritetet shqiptare dhe për këtë ministrja Gjonaj kishte dijeni të plotë. Pra, ajo ka shkelur hapur ligjin.

Neni 491 i Kodit të Procedurës Penale, që parashikon kushtet e mospranimit të kërkesës për ekstradim, thotë në pikën ?ç? si vijon: Nuk mund të jepet ekstradimi kur ka filluar procedimi ose është gjykuar në Shqipëri edhe pse vepra është kryer jashtë shtetit. Pra ,në rastin e Seitit, Krimet e Rënda kishin nisur procedim me dosjen e ardhur nga Italia 5 ditë përpara se Ministria e Drejtësisë të merrte kërkesën për ekstradimin e Nezar Seitit.

Në lidhje me këtë rast, prokuroria duhet të nisë hetimet menjëherë, minimalisht për shpërdorm detyre, por Arta Marku nuk mund të fillojë hetimet ndaj ministres Gjonaj. Edhe po e bëri patjetër që do ta nxjerrë të pafajshme.

Kjo për faktin se të dyja, si kryeprokurorja Arta Marku, ashtu edhe ministrja e Drejtësisë, Etilda Gjonaj janë të zgjedhura të ministrit të Brendshëm, Fatmir Xhafaj.

CNA (CityNews Albania) edhe më parë ka sjellë fakte sesi ministri i Brendshëm, Fatmir Xhafaj, drejton njëkohësisht dy ministri, Ministrinë e Brendshme, Ministrinë e Drejtësisë dhe së fundi edhe Prokurorinë e Përgjithshme.

Etilda Gjonaj është emëruar prej tij, por nuk mbyllet thjeshtë me emërimin e saj si ministre dhe zgjedhjen e saj nga kryeministri.

Ministër i Drejtësisë, sot është Fatmir Xhafaj, ministrja është thjeshtë protokolluesja e tij, që qëndron në Ministrinë e Drejtësisë. Një tjetër institucion që kontrollohet nga Fatmir Xhafaj është prokurori i Përgjithshëm. Arta Marku është një produkt i Fatmir Xhafaj.

Janë këto disa fakte të sjella më parë nga CNA (CityNews Albania) të cilat tregojnë se ministrja Gjonaj nuk mund të hetohet nga kryeprokurorja Arta Marku. Se kush do ta hetojë apo a do të hetohet penalisht ministrja Gjonaj për shkeljen e ligjit, kjo mbetet për tu parë./ CNA.al

http://www.citynews.al/2018/01/superbig-ministri-qe-drejton-dy-ministri-dhe-nje-institucion-te-pavarur/1

Gjonaj ishte në dijeni të ekstradimit të Seitit/ Ja dokumentet që e vërtetojnë