E fundit!

21:15 Aktualitet

"Një çoban e denoncoi"/ Si ra policia e Korçës në gjurmët e autorit të vrasjes së efektivit

Gazetarja Glidona Daci, në një lidhje me emisionin Opinion...

Për Eni Vasilin, dhe të pathënat e Alfred Lelës

5 Shkurt 2018, 09:24, Aktualitet CNA

Gazetarja Eni Vasili prej disa ditësh ka filluar të hedhë akuza të forta ndaj një kaste gazetarësh që i quan ?gjobaxhinj?, një betejë që kërkon ti japë dhe tone feministe, por pak e vonuar për Enin. Gjithsesi, është e mirëpritur jo vetëm në opinion por dhe nga kolegët për të vërtetat e saj të pamohueshme.

?Gjobaxhinjtë? janë të rracave dhe llojeve të ndryshme, funksionojnë në mënyra të ndryshme. Fillojnë te Fari Balliu dhe nuk mbarojnë te debatuesit e Lulit.

Problemi nuk fillon te gazetarët, problemi i medias në fakt nuk janë këta të fundit, sepse disa ?gjobaxhinj? me jetë luksoze dhe me rrogë disa mijëra euro janë një pikë uji në kazanin mediatik që zien me drutë e paguara nga pronarët.

Pra, problemi janë fillimisht botuesit dhe pronarët e medieve. Një sekt i korruptuar që po goditet shpesh, të cilit i shërben ndoshta edhe Eni.

Por, le të kthehemi te debati i saj dhe përgjigja që i ka dhënë së fundi njërit prej atyre që ka tjetër stil. ?Gjobaxhi? ose jo, shërbëtori i përlyer dhe i mirëpaguar, pa asnjë diskutim.

Mjafton të kujtojmë Lelën kur shërbente te MAPO e Henri Çilit dhe bërtiste në televizione për reformat e qeverisë dhe ligjin për arsimin e lartë, ky ?parimor? në shërbim të Edi Ramës sepse ashtu i interesonte Çilit, i cili edhe e paguante me mijëra euro. Pasi nuk i duhej më ai e hoqi. Tani ka hapur një media periferike që ka klikime në muaj aq sa ne kemi në një apo dy ditë dhe që thjeshtë shërben për ndonjë foto të shëmtuar editoriali, i cili brenda s?ka asgjë.

Eni Vasili thotë se e ka paguar Lelën të flasë në studion e hapur. Në fakt për këtë fajin e ka vetë. Shikoni audiencën e Top Story të raportuar dhjetëra herë në media, kur është Lela ?shkëlqimi? për dështim është i garantuar.

Shpesh ne e kemi quajtur kamarierin që një ditë u shfaq në Shqipëri si analist, i mirëpaguar nga një klientelë e qeverisë së PD dje, më pas e Ramës dhe sot është futur në sqetullën e bizneseve pranë Bashës. Sot shtrëngon pallton, që ti duken vithet kur e ke afër, nga frika apo diçka tjetër, kjo ngelet për tu provuar. Megjithëse, ndoshta mirë bën që ka edhe frikë.

Sa për portalin, Eni bën mirë të mos ja përmendë emrin, sepse thjeshtë do ti ngrinte audiencën dhe do ti bënte reklamë periferisë së dështuar mediatike, ku disa audio përgjime të disa muajve më parë, kërkoi ti shiste si lajme ekskluzive. Shpenzoi shumë dhe dështoi me sukses, prandaj ai do të bënte gjithçka për pak reklamë.

Megjithëse kamarieri i kthyer në gazetar, që nuk i mbahet mend puna e fundit në gazetari, çfarë nuk do të jepte që të përmendej produkti i dalë prej duarve të tij, financuar nga klientela e Lulzim Bashës apo paratë e paguara nga shembja e pallatit në Vlorë, që dalin nga xhepat e shqiptarëve.

Një përgjigje për Enin dhe një sqarim për publikun me fakte konkrete.

Kulla, ku ka zyrat pseudo-opozitari, i ka qeratë nga 20-40 euro për metër katërore. Por, le të marrim një mesatare prej 30 euro. Ai ka një sipërfaqe rreth 50-60 metër katërore, pra qeraja varion nga 1500-1800 euro, afërsisht sa rrogat e tre apo katër gazetarëve, e gjithë shpenzimet e tjera të nevojshme. E nëse do i bashkonim të gjitha, vetëm qera dhe staf janë rreth 4 mijë euro në muaj, për një media të pajoshur, siç e quan Vasili.

Në rast se shtojmë rrogën e majme të Lelës, kostot rriten së tepërmi dhe nuk mund të bësh media opozitare nën luksin e klientelës oligarke të Lulzim Bashës.

Në fund le të shohim portalin, ka thjeshtë dhe vetëm dy reklama që vijnë drejtpërdrejt nga qeveria dhe një nga ortakëria e Olsi Ramës me një biznesmen të rëndësishëm.

Pra, Lela, e dashur Eni, nuk financohet vetëm nga klientela e Lulzimit, apo ndonjë biznesmen që një ditë u gdhi deputet qesharak. Ai financohet edhe nga qeveria dhe klientela e kryeministrit Rama, apo dhe vetë vëllai i tij.

Lela sot po shijon frytet e marrëveshjes së 18 majit, në zyra luksoze dhe me reklama të Edi Ramës, në një portal që të mbijetojë ndoshta edhe 100 vjet pa asnjë mbivlerësim në distancë, nuk do ta arrijë dot kurrë qoftë audiencën e emisionit të fundit ?Studio e Hapur? të debatit të Lubonjës me Bashën.

Lela me shokë janë ata që i duhen disa ?maçokëve? në biznes dhe politikanëve të dështuar si Lulzim Basha. Të mirëpaguar, me makina luksoze, me zyra luksoze dhe në fund bëjnë dhe moral, kur në gazetari ata janë ?imoraliteti?./ Elvi Fundo-CNA.al