web counter
LEXO PA REKLAMA!

SHKARKO APP

App Store
Google Play

E fundit!

x

Erozioni rrezikon të shembë pallatin/ Evakuohen 25 familje

5 Shkurt 2018, 09:01, Aktualitet CNA

25 familje, të cilat banojnë në pallatin 10-katesh në lagjen ?Kodra e Shtufit?, janë evakuuar pasi ndërtesa rrezikon shembjen për shkak të rrëshqitjes së dheut. Përveç pallatit rrezikojnë dhe ndërtesa të tjera në zonën pranë.

Rruga kryesore e lagjes me një gjatësi 20 metra, është shembur plotësisht si pasojë e erozionit. Asfalti, muret mbajtëse të betonuara me trashësi 1 metër, janë shkatërruar plotësisht.

Banorët e pallatit 10-katesh në lagjen ?Kodra e Shtufit?, janë tronditur nga ajo çfarë kanë parë mbrëmjen e së shtunës. Një zhurmë e madhe sikur të ishte goditje meteori, ka ngjallur panik te banorët. Për më tepër, ata që e kanë pësuar, ishin banorët që jetojnë në katin e dytë dhe të tretë.

Apartamentet e tyre, u pushtuan nga masivi i dheut, që hyri deri në ballkonet e shtëpive. Mes familjeve që e kanë pësuar, është edhe ajo e Olimbi Gracit, e cila ka në shtëpi dy të moshuar të sëmurë. Evakuimi i tyre ka qenë i pamundur, ndërkohë që vetë 60-vjeçarja, nuk ka kursyer akuzat ndaj pushtetarëve.

?Mos e gëzofshin, inshallah, jetën! Na bënë të flasim me vete. Kam dy të sëmurë me terapi, të shtrirë në shtrat, si t?ia bëj??, shprehet Olimbija. ?Ku të shkoj unë tani?

Më thoni ju, ku duhet të shkoj, sepse ky apartament është bërë i pajetueshëm. Hodhëm gjithë lekët që kishim për ta blerë dhe shiko tani se ku u katandisëm?. Mllefi i saj vazhdon, duke mallkuar politikanët që, sipas saj, e kanë mendjen të blejnë vota. ?Më mirë të më kishte zënë mua balta sesa të shikoj këtë që ndodhi duke ngelur pa shtëpi e katandi? shprehet mes lotësh 60-vjeçarja.

Familjet janë strehuar në konviktin e shkollës së mesme Pedagogjike, ndërsa të moshuarit në Azilin e Pleqve. Pas situatës problematike, ka reaguar dhe kryetarja e bashkisë, Zamira Rami, duke sqaruar se ka kërkuar ekspertë nga Tirana për të analizuar shkallën e rrezikut./panorama





Lajmet e fundit nga