web counter
LEXO PA REKLAMA!

SHKARKO APP

App Store
Google Play

Marrëveshjet me Greqinë/ Hajdaraga: Ja e vërteta e bisedimeve

3 Shkurt 2018, 18:36, Aktualitet CNA

Çështja e bisedimeve me Greqinë mbetet temë e nxehtë e politikës dhe jo vetëm. I ftuar në emisionin ?Kjo Javë? të gazetares Nisida Tufa, ish-ministri i Mbrojtjes, Luan Hajdaraga, dha sqarime në lidhje me këtë temë të shumëdiskutuar.

Në lidhje me bisedimet e ministrave të jashtëm Ditmir Bushati dhe Niko Kotzias, Hajdaraga tha se i sheh këto si bisedime pozitive që po hapin një kapitull të ri mes vendeve.

Ai gjithashtu u shpreh se tani po negociohet për probleme vërtet të rëndësishme, që kanë ngelur peng i së kaluarës prej 17 vitesh.

?Këto shihen si bisedime pozitive që po hapin një kapitull të ri mes vendeve. Më vjen mirë që për herë të parë tashmë është shtruar për diskutim një set problemesh. Tani po negociohet për probleme të rëndësishme, që janë peng i së kaluarës prej 17 vitesh. Po shprehet vullneti i mirë për të negociuar dhe për t?i zgjidhur.  Tani po bisedohet për një marrëveshje që do definohet pas këtyre negocimeve, që kanë nisur prej një viti. Këtë takim disa ditor, në Kretë e Korçë, pritet ta kthejnë me një marrëveshje të definuar. Në metodologjinë e marrëveshjeve, negociatat i paraprijnë marrëveshjes. Është pranuar nga pala greke që marrëveshja e detit të diskutohet nga e para. Mbi bazën e këtyre dokumentave, përbëjnë një bazë solide për një bisedim serioz,? tha Hajdaraga./ CNA.al





Lajmet e fundit nga