web counter
LEXO PA REKLAMA!

SHKARKO APP

App Store
Google Play

E fundit!

x

Këshilltari i Bashës kundër integrimit të Shqipërisë/ Akil Kraja: Mos hapni negociatat

3 Shkurt 2018, 19:26, Aktualitet CNA

Këshilltari i Partisë Demokratike në Këshillin Bashkiak të Tiranës, Akil Kraja është shprehur kundër hapjes së negociatave për integrimin e Shqipërisë në Bashkimin Europian.

Në një postim në rrjetet sociale, Akil Kraja shkruan se fillimi i negociatave në kushtet aktuale do të ishte ndër vendimmarrjet më të gabuara të 25-vjeçarit të fundit, kostot e të cilit do t?i paguanim me breza të tërë.

Sipas tij, hapja e këtyre negociatave, në kushtet e sotme, është kundra interesit kombëtar shqiptar.

?Qytetarët nuk kanë asnjë informacion çfarë nënkupton realisht ?hapja e negociatave?. Janë plot 35 kapituj ose 80.000 faqe legjislacioni europian që do të negociohen, të cilat kanë implikime nga më të ndryshmet. A jemi ne gati të negociojmë numrin e ullinjve apo vreshtave, që Shqipëria ka të drejtë të mbjellë??- shkruan Kraja.

Ndër të tjera, Akil Kraja pyet ?A jemi të ndërgjegjshëm që nëse ?negociojmë? gabim, autoritetet tona mund të detyrohen nga Brukseli të presin ullishtat e vreshtat e fermerëve shqiptarë? Të jemi të sinqertë me veten, a jemi gati të negociojmë për çështjet e peshkimit, menaxhimit të ujit, mbetjeve, prodhimit fason, call-centerave, pronësisë intelektuale etj.??

Në postimin e tij, Kraja thekson se qytetarët shqiptarë duhet të dinë se të 35 kapitujt që do të negociohen, janë subjekt potencial i vetos së çdo vendi anëtar dhe kjo sipas tij nënkupton si shembull, që Greqia mund t?i vendosë kushte në negociata çdo kapitulli, përfshirë potencialisht për kuotën e mbjelljes së ullinjve në Shqipëri në të ardhmen, emërtimin e prodhimit të djathit të bardhë shqiptar, çështje që prekin minoritetet në vendin tonë, deri edhe në reformën territoriale.

?Mungesa e transparencës dhe mënyra tribale e zhvillimit të negociatave më të fundit bilaterale mes qeverisë Rama dhe fqinjit grek dëshmon më së miri rrezikun që i kanoset vendit tonë, në kontekstin e hapjes së negociatave me BE-në.?- shkruan Akil Kraja në postimin e tij./ CNA.al





Lajmet e fundit nga