web counter
LEXO PA REKLAMA!

SHKARKO APP

App Store
Google Play

Kanoste me armë bashkëshorten dhe djalin/ Arrestohet 59 vjeçari

3 Shkurt 2018, 11:10, Aktualitet CNA

Policia e Dibrës ka ndërhyrë, duke  parandaluar një konflikt të rëndë në familje. 59 vjeçari Elez Mera, ushtronte dhunë ndaj bashkëshortes dhe djalit të tij, duke i kanosur me armë gjahu.

Pas një  informacioni të marrë se në fshatin Lishan i Poshtëm po ndodhte një konflikt në familje, nga strukturat e policisë së Dibrës, është organizuar  menjëherë puna ku falë veprimeve të shpejta dhe profesionale kanë ndërhyrë duke parandaluar një ngjarje të rëndë kriminale, ku kanë konstatuar se shtetasi Elez Mera, po ushtronte dhunë  ndaj bashkëshortes shtetases D.M, 58 vjeçe dhe djalit të tij K.M,  29 vjeç, duke i kanosur në mënyrë serioze për jetën nëpërmjet një arme gjahu.
Policia ka ndërhyrë në kohë, duke arrestuar 59 vjeçarin, banues në fshatin Lishan i Poshtëm, Luzni, Dibër.

Në cilësinë e provës materiale është sekuestruar arma e gjahut tip TEKE, me dy fishek, të cilën e mbante pa lejen e organeve kompetente.

Në fund të veprimeve hetimore u bë arrestimi i shtetasit E.Mera, dhe matetialet proceduriale i kaluan Prokurorisë Rrethit Gjyqësor Dibër për veprat penale të ?Dhunës në familje? të parashikuar nga neni 130/2 të Kodit Penal dhe ?Prodhim dhe mbajtja pa leje e armëve të gjuetisë dhe sportive?,  të parashikuar nga neni 280 të Kodit Penal./CNA.al





Lajmet e fundit nga