web counter
LEXO PA REKLAMA!

SHKARKO APP

App Store
Google Play

E fundit!

x

Goditet grupi kriminal në Shkodër/ Prokuroria jep detajet

3 Shkurt 2018, 10:04, Aktualitet CNA

Policia e Shkodrës ka bërë të mundur goditjen e një grupi kriminal që trafikonte kokainë.

Nga të dhënat e para mësohet se në pranga kanë rënë 7 persona, ku 3 prej tyre janë arrestuar në flagrancë konkretisht shtetasit me inicialet I.T, E.Z dhe S.A dhe për 4 persona të tjerë janë nxjerrë urdhëra ndalimi nga Prokurori, për shtetasit me inicialet H.S, A.V, K.U  dhe A.M, ndërsa është shpallur në kërkim shtetasi me iniciale H.K, 26 vjeç, banues në Shkodër.

Gjatë kontrollit të ushtruar nga policia janë gjetur dhe sekuestruar në cilësinë e provës materiale një sasi me peshë prej 2237,6 gram lëndë narkotike e mbështjellë në qese e ndarë në dy pako, e dyshuar si kokainë, është sekuestruar lokali i të dyshuarve që shfrytëzohej për shpërndarje dhe përdorim të lëndëve narkotike, si dhe pajisjet fiskale të këtij lokali, 3 automjete Audi, BMW dhe Ford  që janë përdorur nga të dyshuarit, disa telefona celular të të dyshuarve, si dhe një sasi parash lekë dhe valutë e huaj e sende të tjera që mbaheshin nga të dyshuarit.

Këta shtetas në bashkëpunim mes tyre dhe me persona të tjerë dyshohet se kanë konsumuar veprat penale të ?Prodhimit dhe shitjes së narkotikëve? e kryer në bashkëpunim, dhe ?Përshtatja e lokalit për përdorim droge? e kryer në bashkëpunim.

Po vijojnë veprimet hetimore për zbardhjen e plotë të ngjarjes dhe identifikimin dhe vënien para përgjegjësisë të të gjithë bashkëpunëtorëve të grupi kriminal. /CNA.al

 





Lajmet e fundit nga