E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

KLP dhe KLGJ/ Zbardhet skenari i PS –së, për miratimin e listave

3 Shkurt 2018, 10:45, Aktualitet CNA

Mazhoranca qeverisëse i ka dhënë fund tentativave të Partisë Demokratike dhe Lëvizjes Socialiste për Integrim për të zvarritur reformën në drejtësi.

Prej dy muajsh, opozita ka lëshuar sulme të forta sa i takon ngritjes së Këshillit të Lartë Gjyqësor dhe Këshillit të Lartë të Prokurorisë, ndërkohë që ka refuzuar ngritjen e këtyre dy organeve.

Por ditën e hënë hidhet hapi i parë për KLGJ e KLP, pasi do të përzgjidhen dhjetë anëtarët jo gjyqtarë dhe jo prokurorë, që vijnë nga radhët e shoqërisë civile, avokatura dhe trupa e pedagogëve.

Të enjten mazhoranca dhe opozita nuk kanë gjetur sërish dakordësinë për listën e dytë të dhjetë kandidatëve për KLP e KLGJ, e cila u rrëzua në Kuvend.

Mirëpo, kjo duket se ka vënë në lëvizje mazhorancën, e cila ka vendosur që të mos e zvarrisë më tej këtë proces, teksa ka vendosur që të hënën të thërrasë mbledhjen e nënkomisionit ad hoc.

Në këtë mbledhje komisioni do miratojë listën e tretë, e cila do jetë njëkohësisht edhe lista përfundimtare me dhjetë kandidatët e KLP dhe KLGJ, ndërsa do t?i kalojë për votim të enjten Kuvendit.

Pra edhe nëse nuk arrihet konsensusi në seancë plenare, kjo listë quhet e miratuar. Ndërkohë që pas kësaj, nis faza e dytë e procesit për ngritjen e Këshillit të Lartë Gjyqësor dhe Këshillit të Lartë të Prokurorisë, ku vëmendja do jetë tek vetingu në radhët e njerëzve të drejtësisë.

Pasi, përfundimi i këtij procesi do t?i hapë rrugë përzgjedhjes së 6 anëtarëve nga radhët e prokurorisë dhe gjashtë anëtarëve nga radhët e gjyqësorit, që së bashku me dhjetë anëtarët e shoqërisë civile, avokatisë dhe pedagogëve do të plotësojnë KLGJ e KLP, dy organe të cilët pritet të ngrihen e marrin jetë brenda këtij muaji. Gjithashtu, një tjetër fakt interesant është se plotësimi i këtyre dy organeve me staf nuk do të vonohet e zvarritet.

Pasi Ministria e Drejtësisë do të transferojë stafin e zyrës së administrimit gjyqësor pranë këtyre dy organeve, duke mos humbur kështu kohë me rekrutim punonjësish, vendim i cili do nxisë edhe fillimin e menjëhershëm të punës për KLP dhe KLGJ. Megjithatë, mbetet për t?u parë në ditët në vijim se si do të shkojë ky proces./Sot