web counter
LEXO PA REKLAMA!

SHKARKO APP

App Store
Google Play

E fundit!

x

A do ketë diçka të shkruar çështja çame?/A do të ketë një memorial?

1 Shkurt 2018, 21:20, Aktualitet CNA

Një nga çështjet e hedhura mbi tryezën e bisedimeve shqiptaro-greke është edhe ajo e njohur si “çështja çame”, një temë e nxehtë e që deri më sot është lenë hequr zvarrë nga qeveritë e shkuara.

Kryeministri Rama, nga ekrani i emisionit “Real Story” të televizionit “Vizion Plus”,  ka thenë se për Greqinë një çështje e tillë nuk ka ekzistuar dhe se ka qenë lëmbëngulja e qeverisë së tij që e ka detyruar palën greke ta rreshtojë në listën e çështjeve për diskutim krahas kufirit detar, heqjes së ligjit të luftës etj.

Mirëpo a do të ketë këtë herë një vendimarje për çështjen çame? A do të ketë diçka të shkruar në mënyrë që autoritete greke të kufirit të mos i trajtojnë pjesëtarët e këtij komuniteti sipas oreksit të tyre?

Rama jep këtë përgjigje:

“Çështja çame është ende në tavolinë dhe nuk është e lehtë. Kjo është një çështje delikate shtatëdhjetë vjeçare dhe nuk mund të zgjidhet menjëherë. Akti që me palën greke ne sot jemi në finalizimin e një diskutimi për tre çështje që kanë qenë tabu nuk është pak. Janë produkt i politikës sonë të re, janë produkt i politikës së re mëse tre vjeçare. Sikurse dhe për çëshje të tjera, sepse ka dhe çështje të tjera që lidhen me emigrantët, doganat etj., edhe për çamët do të ketë shkresa të nënshkruara nga palët dhe të detyrueshme për tu zbatuar…”./CNA.al





Lajmet e fundit nga