Shënim/ Kë penalizon rrugaçëria e Kadillit dhe Bozdos

1 Shkurt 2018, 19:33, Aktualitet CNA

Një ngjarje e paprecedentë ka ndodhur sot, rreth orës 15.00, në Pedonalen e kryeqytetit, ku dy figura të larta të Partisë Demokratike, përkatësisht Fatbardh Kadilli dhe Enno Bozdo janë filmuar teksa kishin ndezur sherr me një qytetar.

Sikurse shihet edhe nga filmimi, agresori që derdh grushta e shkelma mbi qytetarin është Fatbardh Kadilli, ish deputet i PD-së, aktualisht Sekretar për Burimet Njerëzore në strukturën drejtuese të kësaj partie. Ndërkohë që Enno Bozdo, ish zvendësministër momentalisht Sekretar Organizativ në detyrë i PD-së, shihet teksa ndërmjetëson grindjen me qytetarin e moshuar.

Për të justifikuar sjelljen rrugaçërore Kadilli ka thenë se ky qytetarë ka derdhur lumë ulërimash, refreni i të cilave ka qenë : “Ju deputetët na pitë gjakun, e fyerje të tjera të shumta”. Gjë që është e besueshme dhe tregon mllefin masiv që ka zenë vend tek qytetarët.

Ulërimat dhe fyerjet ndaj Kadillit dhe Bozdos janë reagimi qytetar ndaj deputetëve dhe politikanëve, është reagim ndaj kostos që po paguajnë taksapaguesit viktima të kësaj rrugaçërie, por edhe tregues i faktit se me tipa si dy protagonistët Kadilli e Bozdo, Lulzim Basha ta harroj se një ditë do të mund ta rrëzojë Edi Ramën nga pushteti.

Sjellja rrugaçërore e dy përfaqësuesve të lartë drejtues të PD-së tregon njëherësh, standartin e njerëzve me të cilët Lulzim Basha ka strukturuar partinë në krye të drejtimit të të cilës u zgjodh, duke injoruar statutin, dhe me të cilët beson se do të vijë në krye të qeverisjes së vendit.

E përsërisim Kadilli e Bozdo nuk janë anëtarë të thjeshtë, nuk janë as militantë, por dy figura të larta të PD-së, madje dy ish kandidatë për deputetë humbës të listës Basha në zgjedhjet e 2017. Arësye e mjaftueshme kjo për të vlerësuar se sjellja e tyre publike rrugaçërore nuk është njollë individuale, por penalizon të gjithë Partinë Demokratike, duke e damkosur me nofkën “parti e rrugaçëve”. Ndërkohë sulmi i qytetarit ndaj tyre duhet të vlerësohet jo si hakmarrje individuale për arsye personale, por si një reagim ndaj mbrapshtisë që po prodhon jo vetëm spektri qeverisës i politikës, por edhe ai opozitar i kryesuar nga Lulzim Basha./CNA.al

VIDEO/ Dy zyrtarë të lartë të PD dhunojnë një qytetar në moshë

Dy rrugaçët e paaftë të Lulzim Bashës

Tre shpartalluesit e PD ?së, pas Lulzim Bashës

A janë Enno Bozdo dhe Fatbardh Kadilli, vemja, krimbi dhe monstra në PD ?