E fundit!

10:51 Aktualitet

Helmimi i kursantëve te Akademia e Sigurisë/ Reagon policia

Në orët e mbrëmjes së djeshme dhe në orët e para të mëngje...

Xhafaj zbardh raportin për vitin 2017/ 1184 persona të proceduar për korrupsion, 325 raste pastrimi parash

28 Janar 2018, 12:05, Aktualitet CNA

Zbardhet raporti i Ministrisë së Punëve të Brendshme për luftën ndaj krimit, korrupsionit dhe pastrimit të parave për 2017-ën. Gazeta ka mundur të sigurojë një kopje të raportit buletin të Ministrisë së Punëve të Brendshme, ku vërehet së vetëm për korrupsion janë proceduar gjithsej 1184 persona si dhe për pastrim parash janë evidentuar 325 raste gjatë vitit 2017.

Kështu sipas buletinit që ka siguruar gazeta gjatë muajit janar 2017 janë proceduar për veprën e korrupsionit 137 persona nga të cilët janë arrestuar 25. Ndërsa për veprën penale të pastrimit të parave janë evidentuar gjatë muajit janar 38 vepra penale, me 40 autorë të proceduar nga të cilët nuk është arrestuar asnjë person.

?Pastrim i produkteve të veprës penale ose veprimtarisë kriminale?. Kurse gjatë muajit shkurt 2017, janë proceduar për korrupsion 128 persona, nga të cilët janë arrestuar 46 prej tyre. Ndërsa janë evidentuar gjithashtu 42 raste pastrimi parash, ku janë proceduar 50 persona, nga të cilët 4 janë arrestuar.

Janë sekuestruar gjithashtu gjatë këtij muaji dhe 110.000 euro llogari bankare. Por edhe gjatë muajit mars ka një bilanc të konsiderueshëm sa i përket luftës ndaj korrupsionit dhe pastrimit të parave. Kështu gjatë këtij muaji janë proceduar 96 persona, nga të cilët 18 janë arrestuar.

Sakaq sa i përket luftës ndaj pastrimit të parave strukturat kanë evidentuar 33 raste, me 44 autorë të proceduar, nga të cilët 2 janë arrestuar. Sakaq, janë sekuestruar 1.129.564 euro, nga të cilat 794.189 euro llogari bankare dhe 250.000 euro pasuri, tokë në Durrës me sipërfaqe 3.000 m2.

Ndërkohë një numër të madh procedimesh për korrupsion ka dhe gjatë periudhës prillmaj dhe qershor 2017. Ku vetëm në tre muaj policia ka arritur të procedojë 383 persona, nga të cilët ka arrestuar vetëm 38 persona.

Mirëpo po gjatë këtyre tre muajve policia ka arritur të evidentojë 93 raste pastrimi parash, me 103 autorë të proceduar. Por pavarësisht evidentimit të një numri të lartë rastesh vetëm 1 person është arrestuar. Gjithashtu gjatë këtyre tre muajve janë sekuestruar 939.852 euro llogari bankare si dhe 200.000 dollarë.

Ja statistikat deri në muajin nëntor

Në dokument janë të dhënat e policisë edhe për muajin korrik, gusht dhe shtator. Kështu sipas dokumentit buletin të ministrisë gjatë këtyre tre muajve për veprën penale të korrupsionit janë proceduar 207 persona, nga të cilët 32 janë arrestuar.

Por sa i takon luftës ndaj pastrimit të parave edhe në këto tre muaj strukturat e posaçme kanë arritur të identifikojnë 57 raste, ku janë proceduar 64 persona. Janë sekuestruar gjithashtu 220.000 euro llogari bankare si dhe 531.031 dollarë.

Ndërkohë edhe për periudhën tetor-nëntor 2017 janë proceduar 233 persona për korrupsion, nga të cilët janë arrestuar 40 autorë. Sa i takon pastrimit të parave gjatë këtyre dy muajve janë evidentuar 62 raste me 104 persona të proceduar, nga të cilët 11 janë arrestuar.

Edhe gjatë këtyre dy muajve janë sekuestruar nga organet kompetente 2.853.300 euro llogari bankare për veprën penale ?Pastrim i produkteve të veprës penale ose veprimtarisë kriminale?. Kurse sa i takon muajit dhjetor 2017 akoma nuk kanë dalë të dhënat pasi janë duke u përpunuar./Sot