Mazhoranca rrëzon LSI-në/ Nuk pranon ligjin për statusin e minatorëve

28 Janar 2018, 11:38, Aktualitet CNA

Mazhoranca qeverisëse i ka kthyer reston Lëvizjes Socialiste për Integrim, sa i takon sulmeve politike të ditëve të fundit. Kështu, qeveria ka vendosur që të mos pranojë projektligjin për statusin e minatorit, i propozuar nga deputeti i LSI Përparim Spahiu.

Ligji në fjalë është depozituar prej disa muajsh në Parlament, por komisionet parlamentare ja dërguan atë për mendim qeverisë, e cila e ka rrëzuar, me argumentin se ka probleme.

Madje, qeveria deklaroi se e rrëzoi projektligjin për statusin e minatorit duke argumentuar se sipas saj, sjell efekte negative në skemën e pensioneve dhe buxhetin e shtetit, dhe propozimi i bërë nuk shoqërohet me kostot e detajuara financiare. Po ashtu sipas qeverisë projektligji përmban edhe shkelje kushtetuese dhe të kodit të punës.

Por kur e prezantoi projektligjin në komisionin parlamentar të punës deputeti Spahiu tha se ai priste që efektet financiare të përballohen nga shtimi 5% i kontributeve të sigurimeve shoqërore për minatorët, që sipas tij do të ndahen mes punëmarrësit dhe punëdhënësit, kurse diferencat që krijohen do të përballohen nga buxheti i shtetit.

Projektligji për statusin e minatorit synon të rrisë pagën minimale për punonjësit e nëntokës dhe të ulë vitet e daljes në pension për minatorët që kanë mbetur pa punë për shkak të reformave. Projektligji parashikon edhe rritjen e mbështetjes sociale për minatorët dhe ish-minatorët. Në industrinë e minierave në Shqipëri deri në vitet ?90 kanë qenë të punësuar mbi 40 mijë persona.

Megjithatë, beteja e Partisë Socialiste me Lëvizjen Socialiste për Integrim, sa i takon mendimit të qeverisë pritet të diskutohet të hënën në komision parlamentar, ku me shumë gjasa do të ketë shumë debate të forta mes palëve. Pasi duke dhënë mendim negativ për këtë projektligj të propozuar nga deputeti i LSI-së, qeveria zotohet se do të hartojë vetë një projektligj të ri për statusin e minatorit brenda vitit 2018. Sidoqoftë, se çfarë do të ndodhë dhe se çfarë do të prodhojë kjo përplasje mazhorancë-LSI, mbetet për t?u parë në ditët në vijim.

Ja nisma e LSI për minatorët

Në projektligjin mbi statusin e minatorit, i propozuar që në legjislaturën e kaluar nga deputeti i LSI për qarkun Dibër, Përparim Spahiu, synohej të rritej paga minimale për këtë kategori dhe të ulen vitet e daljes në pension.

?Paga e punonjësve përcaktohet nga kontrata e punës. Pra, në asnjë rast, projektligji parashikon që kjo të mos jetë më pak se 200 përqind e pagës minimale në shkallë vendi.

Ndërsa sa i takon pensionit , ky të jetë jo më pak se 131 përqind se paga minimale zyrtare?, tha Përparim Spahiu, deputet LSI pak kohë më parë. Po ashtu, projektligji parashikon edhe rritjen e mbështetjes sociale për minatorët dhe ish-minatorët.

Në industrinë e minierave në Shqipëri deri në vitet ?90 kanë qenë të punësuar mbi 40 persona. Efektet financiare, sipas zotit Spahiu, do të përballohen nga shtimi i kontributeve dhe buxheti i shtetit. ?Për çdo person do të paguhet kontribut shtesë në masën 5 përqind të pagës bruto për efekt kontributi. Kontributi shtesë do të paguhet në masën 2 përqind nga punëmarrësi dhe 3 përqind nga punëdhënësi. Diferenca ndërmjet efektit financiar të këtij ligji deri në plotësimin e moshës së përfituesve do të përballohen nga buxheti i shtetit?, deklaroi deputeti i LSI.

Bëjmë me dije se pak kohë më parë Komisioni parlamentar i Çështjeve Sociale vendosi që projektligji të shkojë në qeveri për të diskutuar mbi çështjet financiare dhe vetëm pasi të vijë përgjigja e ekzekutivit, që kërkon rreth një muaj mund të nisë shqyrtimi në Kuvend./Sot