web counter
LEXO PA REKLAMA!

SHKARKO APP

App Store
Google Play

Zagani thirrje policisë/ Denonconi krimin e lidhur me politikën

27 Janar 2018, 12:14, Aktualitet CNA

Pjesë e protestës nëpërmjet një video-mesazhi është bërë dhe ish-oficeri i policisë Dritan Zagani.

Zagani është shprehur se protesta e tij ndaj krimit ka nisur që 20 vite më parë dhe prej 3 vitesh në mënyrë të pandërprerë në arrati.

Zagani u ka bërë thirrje kolegëve të tij të denoncojnë lidhjet e krimit, pasi vetëm në këtë mënyrë do të jenë misionarë të drejtësisë.

Mesazhi i plotë:

?Përshëndetje! Unë jam Dritan Zagani. Protesta ime ndaj krimit, çlirimit të drejtësisë nga mafia ka nisur prej 20 vitesh kur nisa punë si oficer Policie dhe prej 3 vitesh në mënyrë të pandërprerë në arrati, ku sakrifica e familjes dhe fëmijëve të mi është ekstreme. Jam ndëshkuar nga padrejtësia, nga trafikantë që kishin në dorë ligjin, nga trafikantë droge në Policinë e Shtetit të lidhur me eprorët e tyre.

Unë u bëj thirrje kolegëve të  mi në Policinë e Shtetit, atyre oficerëve të përkushtuar të kenë kurajon të denoncojnë lidhjet e krimit kushdo që qofshin ato, sepse kështu do të jenë mburoja më e mirë, do të jenë misionarë të drejtësisë.

Unë jam detyruar të largohem nga Shqipëria prej kërcënimeve, por kjo nuk është zgjedhja ime që unë të jem në arrati se ndalova Habilajt dhe Saimir Tahiri në Parlament. Sikur nuk shkon apo jo?! Unë dua të kthehem dhe do të kthehem. Ndaj dhe dua që krimi dhe bandat të mos jenë më në krye të vendit tim.? /CNA.al





Lajmet e fundit nga