Pak para protestës/ Ja ku ndodhen Kryemadhi dhe Basha

27 Janar 2018, 10:41, Aktualitet CNA

Kreu i PD-së Lulzim Basha dhe kryetarja e LSI-së, Monika Kryemadhi ndodhen aktualisht në selitë e partive respektive, për të dhënë porositë e fundit për protestën që pritet të kulmojë sot rreth orës 12:00 përpara Kryeministrisë.

Teksa na ndajnë vetëm dis minuta nga nisja e protestës së parapajmëruar mësohet se në shesh kanë mbërritur një pjesë e protestueve të cilët mbajnë në duar një sër pankartash.

Kryedemokrati Basha do të niset nga selia e PD-së e do të bashkohet me kryetaren e LSI-së e protestues të tjerë përballë Hotel ?Dajtit? për tu vendosur më pas në sheshin para Kryeministrisë, ku është vendosur dhe skena që do të mbajnë fjalimet e tyre përfaqësues politikë, po jo vetëm.

Pritet që në podium të kenë fjalime aleatët e PD-së, Basha e Kryemadhi dhe një socialist. Gazetarja Elda Menga konfirmon për BalkanWeb se një aktivist socialist do t?i bashkohet protestës, e do mbajë fjalën në podiumin e ngritur enkas.

Po ashtu protestuesit e PD-së, pritetet të mbajnë flamuj të BE dhe SHBA-së në protestë.

Ora 11:23- PROGRAMI I FOLESVE
Zonja dhe zoterinj, te nderojme himnin kombetar

ORA 11:00-?I PARI QË DENONCOI TAHIRIN?, JA KUSH DO FLASË NË PROTESTË
Ish-oficeri i antidrogës Dritan Zagani, njeriu që trazoi ujërat e politikës shqiptare duke akuzuar krerët e policisë shqiptare si të lidhur me krimin si dhe lidhjen e ish-ministrit Tahiri me vëllezërit Habilaj, mësohet se do t?i bashkohet protestës së opozitës.

Siç raporton gazetarja Klodjana Lala për BalkanËeb, Zagani pritet të përcjellë mesazhin e tij me një videokonferencë nga Zvicra aty ku ka fituar statusin e azilantit. Ai pritet të jetë i dhjeti në listë.

ORA: 10:30- MBERRIJNE PROTESTUESIT E PARE PARA KRYEMINISTRISE
Ne bulevardin Dëshmorët e Kombit mbërrijnë grupet e para të protestuesve me pankarta në duar

ORA 09:00-MASAT E POLICISË
Ndërsa protesta e opozitës do të nisë për pak minuta, policia ka forcuar radhët duke shtuar qarkullimin në zonat më të populluara nga protestuesit. Mbi taracën e Kryeministrisë është vendosur një efektiv me snajper. Po kështu në Bulevardin ?Dëshmorët e Kombit? janë vendosur disa makina shi-hedhëse si pjesë e planit të masave nëse do të shihet e nevojshme përdorimi i tyre për qetësimin e protestuesve në rast të episodeve të dhunës. Nuk mungojnë as makinat e blinduara. Të angazhuar në terren do të jenë rreth 1500 forca policore, si nga FNSH, RENEA etj. Ndërkohë në orët e para të ditës së sotme janë parë efektivët e shpërndarë dhe makina të shumta policie rreth kryeministrisë. /CNA.al