E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

Zbardhet skema e mashtrimit që përdornin 11 biznesmenët

24 Janar 2018, 20:30, Aktualitet CNA

Një aksion i policisë me kërkesë të prokurorit Ndini Tavani, bëri që 6 shtetas të binin në pranga e 5 të tjerë të shpallen në kërkim, për ?Skemë Mashtrimi në lidhje me Tatimin mbi Vlerën e Shtuar?

Pas raportimeve të para, policia ka dhënë detaje na ky aksion i koduar si “Situacioni” si dhe ka zbardhur skemën e mashtrimit të përdorur.

Në detajet e policisë thuhet:

Nga Sektori për Hetimin e krimit Ekonomik e Financiar në Drejtorinë Vendore të Policisë Tiranë u krye ekzekutimi i masave te sigurimit personal ?arrest me burg? te nxjerra nga Gjykata e Rrethit Gjyqësor Tirane per shtetasit:

-Dh. Ç., 23 vjeç, lindur në Gjirokaster dhe banues në Tiranë.

-Sh. H. , 50 vjeç, lindur në Gramsh banues në Tiranë.

-B. M., 31 vjeç, lindur dhe banues në Tiranë.

-R. M. , 60 vjeç, lindur dhe banues në Tiranë.

-I. S., 30 vjeç lindur dhe banues në Tiranë.

-N. L., 36 vjeç, lindur dhe banues në Tiranë.

Gjithashtu janë shpallur në kërkim dhe po punohet për kapjen e tyre dhe për shtetasit:
B.Gj, A.B, E.SH, S.K dhe M.M.

Ndalimi i këtyre shtetasve është kryer në kuadër të operacionit ?Situacioni?, i kryer nga Drejtoria e Hetimit Tatimor Rajoni Qëndror, Tiranë në bashkëpunim me Prokurorinë pranë Gjykatës së Shkallës së Parë Tiranë të cilët pas një hetimi disa mujor ka siguruar fakte dhe prova materiale se persona të ndryshëm kanë rregjistruar subjekte tregtare në mënyrë fiktive, pa asnjë lloj aktiviteti, me qëllim tërheqjes e blloqeve Tatimore të TVSH-së, duke lëshuar fatura TVSH-je shitje (fiktive) për subjekte të treta.

Administratorët e këtyre subjekteve në bashkëpunim me njëri-tjetrin kanë krijuar një skemë mashtrimi me TVSH-në, ku janë përfëshire një numër i madh subjektesh.

Veprimet Hetimore dhe Proceduriale kanë dokumentuar veprimtarinë kriminale që të keto persona kryenin duke përfituar nga shitjet fiktive dhe duke bërë të mundur kreditimin e TVSH-së në blerje.

Nga aktiviteti fiktiv i këtyre subjekteve llogaritet se në fazën e pare të hetimeve është shkaktuar një dem ekonomik administratës tatimore në vlerën totale 9,000,000 $, vetëm për TVSH-në.

Këto subjektë në bashkëpunim me njëri – tjetrin kanë konsumuar elementë të vepres penale ?Skemë Mashtrimi në lidhje me Tatimin mbi Vlerën e Shtuar?, ?Fshehje të të Ardhurash?, ?Mospagim të Taksave dhe Tatimeve?, ?Falsifikimi i vulvave, i stampave ose formularve? të parashikuara nga nenet, 180, 144/a, 181 dhe 190/2 të Kodit Penal.

Gjithashtu dyshohet se në këtë skemë kriminale janë përfshirë dhe subjekte të tjera, për të cilat vazhdojnë hetimet për të dokumentuar, subjektet e tjera të cilat janë të përfshirë në këtë veprimtari kriminale.

Vijon puna nga strukturat e Drejtorisë Vendore të Policisë Tiranë për kapjen dhe ndalimin edhe të pesë personave të tjerë të shpallur në kërkim.