Pse nuk lexon opozita?

24 Janar 2018, 20:13, Aktualitet CNA

Nga Klodian Tomorri

Kryetari i Partise Demokratike akuzoi qeverine se ka rritur pabarazine dhe varferine ne 5 vitet e fundit duke ju referuar nje raporti te Forumit Ekonomik Boteror.

Raporti eshte i vertete, por 5 vitet per te cilat Forumi Ekonomik thote se eshte thelluar pabarazia dhe eshte rritur varferia jane vitet 2008-2012.

Ne fakt Forumi Ekonomik Boteror nuk e mat varferine as pabarazine. Per varferine, burimi i shifrave qe perdor Forumi eshte Banka Boterore. Dhe e thote qarte tek tabela e raportit kete. Nese dikush nga opozita do e kishte hapur raportin, do e kishte pare, por askush nuk e ka bere. Opozita i do gjerat gati nga gazetat.
Ky eshte linku me te dhenat qe referon Forumi. http://iresearch.worldbank.org/PovcalNet/povOnDemand.aspx

Sipas Bankes Boterore varferia (perqindja e popullsise qe jeton me 3.1 dollare ose me pak ne dite) ne Shqiperi u rrit nga 6.1 per qind ne vitin 2008 ne 6.8% ne vitin 2012. Kjo eshte 0.7 per qindeshja e famshme per te cilen Forumi thote eshte rritur varferia ne 5 vitet e fundit. Dhe arsyeja eshte se ato vite ishin piku i krizes.

Madje edhe Banka Boterore nuk e mat vete varferine, por perdor shifrat e INSTAT-it tone. I vetmi institucion ne bote qe mat varferine ne Shqiperi eshte INSTAT-i, askush tjeter.

Nuk ka asnje te dhene per varferine ne Shqiperi ne 5 vitet e fundit. E dhena me e fundit eshte ajo e vitit 2012, qe ka nxjerre INSTAT.

E njejta gje vlen edhe per pabarazine. Per kete tregues, Forumi Ekonomik Boteror perdor te dhenat e Standardized World Income Inequality, nje projekt nga nje profesor i Universitetit te Iowa-s qe quhet Frederick Solt. Edhe kete e shpjegon qarte tek tabelat e raportit.

Edhe per pabarazine me 5 vitet e fundit, Forumi i referohet periudhes 2008-2012. Ky eshte linku:
http://fsolt.org/swiid/

Kjo e dhena eshte Gini Index Disposable Income, pra pabarazia e matur pas taksave dhe transfertave. Dhe ka nje arsye pse eshte rritur. Taksa e sheshte. Dhe kjo nuk eshte domosdoshmerisht e keq. Sic thote Thatcheri, pabarazia nuk eshte shqetesim per sa kohe rriten te ardhurat ne te gjitha shtresat e popullsise, perfshire dhe ato te te varferve. Perndryshe duhet te ishim akoma duke duartrokitur shokun Enver.

Puna kryesore e opozites eshte te lexoje, te kerkoje te formuloje alternativa. Sepse po te ishte per lajme mediash, sdo kishim nevoje per opozite, na mjaftonin mediat.