web counter
LEXO PA REKLAMA!

SHKARKO APP

App Store
Google Play

E fundit!

x

Tri “tritole” në një ditë ose "Policia që duam"

24 Janar 2018, 19:37, Aktualitet CNA

Në një shkrim të mëparshëm timin kam theksuar se shpërthimet me lëndë plasëse në makina, biznese, banesa e zyra nuk përbëjnë më lajm, sepse janë bërë të përjavshme. Me keqardhje them se kam gabuar. Data e 24 janarit 2014 ishte datë e veçantë përsa i përket ?Frontit të tritolit?. Kjo e mërkurë shënoi një rekord të shpërthimeve kriminale me lëndë plasëse: plot tre copë në një ditë. Për më shumë të që tre shpërthimet nuk ndodhën në Krujë-Fushë-Krujë dhe fshatrat përqark, ku janë më të jashtëzakonshme por në Gjirokastër, Vlorë dhe në Plazhin e Golemit.

Gjirokastër

Në Lagjen Dunavat të Gjirokastrës është hedhur nëj sasi lënde plasëse në një oborr shtëpie. Mbetën të plagosur lehtë 2 persona. Ka pësuar dëme materiale banesa si edhe një furgon me targa Gj 8067 A.

Vlorë

Në Lagjen 10 korriku në Vlorë është dëmtuar nga një shpërthim me lëndë plasëse një makinë tip Audi me targa AA 537 GL në pronësi të një vlonjati 64 vjecar.

Kavajë

Në oborin e Hotel Palmës në Plazhin e Golemit është hedhur në erë një autoveturë. Policia e Kavajës ende nuk ka vendosur që shpërthimin me lëndë palsëse ta klasifikojë si të shkaktuar nga një shkëndijë elektrike në makinë d.m.th shkëndijë elektrike në një makinë të fikur, me naftë jo me benzinë!!!!!!

Një zhvillim i tillë negativ do të thotë, që policia shqiptare jo vetëm që tulatet e ?sbëzan? para krimit të lidhur me politikën, por edhe para të tillëve krimkinelë të vegjël, që i përdorin lëndët plasëse me më shumë zell e kollajllëk, sesa fishekzjarrët për Vit të Ri. Sasia është një lloj i vecantë cilësie, kështu që ky shtim sasior i përdorimit të lëndëve plasëse për qëllime kriminale, nuk është cudi që shpejt mund të na sjellë edhe zhvillime cilësore tejet negative. Në një rast të tillë përdorimi i radhës i lëndëve plasëse për qëllime kriminale jo thjesht do përbëjë lajm, por do jetë lajm për mediat e jashtme madje edhe ato botërore!

E pur si muve!

E megjithatë kemi policinë që duam! /GJERGJ THANASI/CNA.al





Lajmet e fundit nga