web counter
LEXO PA REKLAMA!

SHKARKO APP

App Store
Google Play

“Maqedonia është e Greqisë”!/Paralajmërohet protesta e madhe në Athinë

24 Janar 2018, 20:20, Aktualitet CNA

Kundrejt optimizmit dhe pritjeve të autoriteteve zyrtare në Athinë dhe Shkup për zgjidhjen e kontestit shumëvjeçar të emrit të Maqedonisë dhe takimit të sotëm të parë të drejtpërdrejtë mes kryeministrave Aleksis Cipras dhe Zoran Zaevit në Davos, në Greqi paralajmërohet protestë e re, kësaj radhe në kryeqytetin Athinë.

Sikurse raportojnë mediat greke, organizatorë të protestës janë ithtarët e qëndrimit se Maqedonia është e Greqisë dhe nuk duhet, e as nuk lejohet ndonjë kompromis.

Një emër që do ta dallojë Maqedoninë greke nga vendi fqinj dhe do ta ndërpresë irredentizmin është zgjidhja që theksohet në Greqi, ndërsa e kërkon edhe shefi alternativ i diplomacisë greke, Jorgos Katrugalos dhe përgjegjësi për politikën e jashtme në Demokracinë e Re opozitare, Jorgos Kumucakos.

Në periudhën e fundit ka pasur akuza të vazhdueshme në relacionin pushtet ? opozitë në Greqi, por edhe njëra edhe tjera dakordohen se irredentizmi është problem kryesor, ndërsa emri duhet të bëjë dallim mes rajonit grek Maqedonia dhe Republikës së Maqedonisë, qëndrim të cilin e shfaqën edhe gjatë pjesëmarrjes në një televizion grek.

Krahas sinjaleve pozitive prej të dyja palëve, pas protestës masive në Selanik të dielën, organizatat greke dhe shoqatat paralajmërojnë tubimin e ri, kësaj radhe në kryeqendrën greke, duke vendosur datën 4 shkurt si ditë të mbajtjes së saj.

Lajmin për mbajtjen e protestës organizatorët e kanë shpërndarë nëpër rrjetet sociale dhe disa media me shikueshmëri të lartë. Gjithçka në kuadër të  fushatës së nisur në Selanik nën moton ?Maqedonia është greke?. /CNA.al





Lajmet e fundit nga