E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Aeroporti i Vlorës/ Qeveria miraton hapjen e negociatave

24 Janar 2018, 21:06, Aktualitet CNA

Qeveria ka miratuar sot projektligjin që i hap rrugën nisjes së negociatave për kontratën e ndërtimit të Aeroportit të Vlorës.

Ky ligj përcakton procedurën e veçantë për negociimin dhe lidhjen e kontratës, ndërmjet shtetit shqiptar dhe shoqërive ?Cengiz Construction & Kalyon & Kolin Construction?, me objekt projektimin, ndërtimin, operimin, mirëmbajtjen dhe menaxhimin e aeroportit të qytetit të Vlorës.

Procedura e negociimit për lidhjen e kontratës do të ndiqet nga komisioni i negociimit të kontratës, i ngritur me urdhër të Kryeministrit, i cili kryesohet nga ministri i Infrastrukturës dhe Energjisë dhe në përbërje të tij ka anëtarë, përfaqësues nga Ministria e Financave dhe Ekonomisë, Avokatura e Shtetit, Autoriteti i Aviacionit Civil dhe përfaqësues nga institucione të tjera që gjykohen të nevojshme, i cili fillon negociatat brenda 45 ditëve nga momenti i hyrjes në fuqi të këtij ligji.

Komisioni i negociimit të kontratës negociion me shoqëritë ?Cengiz Construction & Kalyon & Kolin Construction? propozimin e paraqitur prej tyre dhe përpilon projektkontratën finale, shoqëruar me relacionin përmbyllës të negociatave.

Projektkontrata, e shoqëruar me relacionin përmbyllës të negociatave, brenda një afati prej 90 ditësh nga data e nisjes së negociatave, i dërgohet për nënshkrim ministrit të Infrastrukturës dhe Energjisë dhe ministrit të Financave dhe Ekonomisë.

Nënshkrimi i kontratës nga ministri i Infrastrukturës dhe Energjisë dhe ministri i Financave dhe Ekonomisë bëhet brenda afatit kohor prej 10 ditësh nga data e marrjes së projektkontratës dhe relacionit përmbyllës të negociatave.

Ministri i Infrastrukturës dhe Energjisë dhe ministri i Financave dhe Ekonomisë mund t?i kërkojnë komisionit të negociimit të kontratës rishikimin e projektkontratës. Ky komision duhet të rinegociojë dhe t?ua paraqesë për nënshkrim ministrave projektkontratën, të shoqëruar me relacionin përmbyllës të negociatave, brenda afatit kohor prej 30 ditësh, duke filluar nga afati i rikthimit.

Ministri i Infrastrukturës dhe Energjisë dhe ministri i Financave dhe Ekonomisë dërgojnë për miratim në Këshillin e Ministrave projektligjin e hartuar nga komisioni i negociimit të kontratës, brenda 10 ditëve nga data e nënshkrimit të saj.

Kontrata miratohet nga Kuvendi i Republikës së Shqipërisë.

Data e hyrjes në fuqi e kontratës do të jetë data e hyrjes në fuqi të ligjit, pas miratimit nga Kuvendi i Republikës së Shqipërisë.