web counter
LEXO PA REKLAMA!

SHKARKO APP

App Store
Google Play

Ndalohen tre “skifterët”/ Ja çfarë ju gjet gjatë kontrollit të policisë

23 Janar 2018, 09:44, Aktualitet CNA

Policia e Beratit ka bërë të mundur arrestimin e tre personave, të cilët akuzohen për vjedhje.

Gjithashtu policia ka sekuestruar në cilësinë e provës materiale sendet e vjedhura në disa banesa.

Sipas uniformave blu, të ndaluarit janë: E.L, 16 vjeç, banues në lagjen Uznovë, Berat, (i dënuar më parë, për  kultivim i lëndëve narkotike, vjedhje dhe mbajtje pa leje e municioneve luftarake), Sajmon Komaraku, 31 vjeç, banues në lagjen Uznovë, Berat dhe Aurel Etemaj, 33 vjeç, banues në lagjen Uznovë, Berat, (i dënuar më parë për veprën penale Vjedhja).

Ndalimi i shtetasve të lartpërmendur u bë pasi në vijim të veprimeve hetimore dyshohet se janë autorë të ngjarjeve të ndodhura si më poshtë.

Sipas policisë së Beratit, më datë 22.01.2018, në banesën e shtetasit Z.Xh, dyshohet se kanë vjedhur një troko dhe një televizor.

Më datë 18.01.2018, në magazinën e shtetasit Y.B,  dyshohet se kanë vjedhur dy troko.

Gjithashtu në cilësinë e provës materiale u sekuestruan dhe materialet e vjedhura në banesën e shtetasit A.D, ngjarje kjo e ndodhur në datë 04.01.2018, ku si autorë i dyshuar u ndalua shtetasi E.L, i cili më pas u la i lirë nga Gjykata e Rrethit Gjyqësor Berat.

Materialet i kaluan Prokurorisë së Rrethit Gjyqësor Berat për  veprën penale ?Vjedhje, e kryer në bashkëpunim? parashikuar nga nenet 134/2 e 25 të Kodit Penal./CNA.al





Lajmet e fundit nga