web counter
LEXO PA REKLAMA!

SHKARKO APP

App Store
Google Play

Protesta 27 janarit drejt dështimit/ Basha dhe Kryemadhi ‘luftë” për të gjetur protestues

23 Janar 2018, 08:50, Aktualitet CNA

Kryetari i Partisë Demokratike, përveç mbledhjes së grupit parlamentar të PD, ka zhvilluar një takim edhe me kryesitë e degëve në Tiranë. Në takimin e mbajtur ditën e dielë, sipas burimeve të gazetës Sot, baza ka shfaqur hapur para Bashës shqetësimin për aleancën me LSI.

Madje ata u shprehën kundër këtij bashkëpunimi. Por pasi mori në konsideratë qëndrimin e bazës, kreu demokrat teksa u ndal tek protesta, i bëri të qartë bazës që të mbledhë sa më shumë njerëz në protestën e 27 janarit.

Kjo sepse sipas informacioneve, kryetarja e LSI Monika Kryemadhi, u ka vënë kusht strukturave që në protestë të jenë rreth 20 mijë protestues. Ndërkohë kreu i PD, duke parë këtë angazhim të aleates së tij, gjatë takimit të mbajtur me kryesitë e degëve, duke u ndalur tek protesta si dhe pakënaqësitë e shfaqura nga ana e këtyre të fundit mbi bashkëpunimin me LSI, sipas burimeve, ka bërë të qartë se baza duhet të përdorë çdo metodë për të mbledhur dy fishin e njerëzve të LSI në protestë.

Basha gjithashtu, për të arritur dyfishin e protestuesve të LSI, u kërkoi anëtarëve të kryesive të degëve, se duhet të jenë atraktiv për të bindur njerëzit që të dalin në protestë. Madje ata duhet të përdorin edhe takimet ballë për ballë apo dhe shtëpi më shtëpi.

Ndërkohë është mësuar, sipas po të njëjtit burim, se kreu demokrat u ka kërkuar degëve se përveç, takimeve kokë më kokë me qytetarët e thjeshtë, duhet të bindin dhe punonjësit e administratës pavarësisht kërcënimeve të qeverisë se mund të largohen nga puna.

Madje Basha u bëri të qartë krerëve të degëve që t?i qetësojnë punonjësit e administratës me faktin se askush nuk do të largohet nga puna pasi, sipas tij, në muajin mars qeveria do të bjerë dhe do të krijohet një qeveri antimafia. Ndërkohë pavarësisht qëndrimit të shfaqur nga kreu demokrat për protestën mbetet për t?u parë sesa mbështetje do të ketë nga njerëzit.





Lajmet e fundit nga