web counter
LEXO PA REKLAMA!

SHKARKO APP

App Store
Google Play

Kryeparlamentari i Maqedonisë/ Zyrtarizimi i gjuhës shqipe i pandalshëm

23 Janar 2018, 18:42, Aktualitet CNA

Askush nuk mund ta ndalë zyrtarizimin e shqipes si gjuhë e dytë përdorimi në administratën që e ushtron veprimtarinë në territorin e Republikës së Maqedonisë, ndonëse presidenti Gjeorgje Ivanov nuk pranoi firmosjen e vendimit që me shumicë votash morri Kuvendi.

Dekklarimi ka dalë nga kryeparlamentari i Kuvendit të Maqedonisë,Talat Xhaferi gjatë takimit që pati sot me zëvendëskryeministrin e Republikës së Kosovës, Enver Hoxhaj. I gjendur në Maqedonis për një vizitë zyrtare një ditore Hoxhaj është pritur edhe nga kryetari i Parlamentit, shqiptari Talat Xhaferi.

Sikurse kanë raportuar mediat maqedone në shqip, por edhe ato koosvare, Hoxhaj dhe Xhaferi kanë folur për nevojën e bashkëpunimit edhe më të madh mes Kosovës dhe Maqedonisë, si dhe kanë diskutuar për zhvillimet e fundit dhe miratimin në parlament të ligjit për gjuhën shqipe atje.

Hoxhaj e ka përgëzuar kryeparlamentarin Xhaferi, dhe Parlamentin e Maqedonisë për këtë arritje, të cilën e ka quajtur historike, duke thënë se me gjithë refuzimin e Presidentit që ta nënshkruajë ligjin, zyrtarizimin e gjuhës shqipe në Maqedoni, nuk mund ta ndalë askush.

Përveç Xhaferit, zëvendëskryeministri Hoxhaj, ka takuar kryetarin e BDI-së, Ali Ahmeti, zëvendëskryeministrin e Maqedonisë, Bujar Osmani, si dhe kryetaren e Komunës së Tetovës, Teuta Arifin. Por ai ka zhvilluar takim edhe me kryeministrin e Maqedonisë, Zoran Zaev, ku është folur për mbledhjen e përbashkët të Qeverisë së Kosovës dhe Maqedonisë, duke u pajtuar në idenë që ajo të mbahet në muajin mars./CNA.al





Lajmet e fundit nga