web counter
LEXO PA REKLAMA!

SHKARKO APP

App Store
Google Play

Qeveria Haradinaj i’a kthen topin e Gjykatës Speciale Kuvendit

23 Janar 2018, 16:38, Aktualitet CNA

Vetëm në ditë pasi Kryesia e Kuvendit e mbledhur të hënën për të vijuar iniciativën e shfuqizimit të Ligjit të Gjykatës Speciale i?a delegoi fjalën përfundimtare qeverisë, ka ardhur përgjigja e kësaj të fundit.

Qeveria, mund të japë mendimin apo edhe të hesht fare në lidhje me nismën e 43 deputetëve të Kuvendit, është përgjigjur kryeministri Ramush Haradinaj, duke shtuar se qeveria do të kryejë detyrat dhe obligimet e saj karshi kësaj çështjeje, në momentin kur do të vijë ligji.

“Procedurat në Qeveri janë kështu, kur vjen një kërkesë e këtillë, ne japim mendim, disa ministri japin mendimin e vetë dhe bazuar në atë mendim, Qeveria ia kalon mendimin Kuvendit. Me këtë rast vendimi i Qeverisë nuk është shumë i vlefshëm, për shkak se ky është një mocion që buron nga Kuvendi.Kuvendi e ka në pronësi ketë mocion, sepse buron nga Parlamenti. Qeveria me respekt do t’i kryejë të gjitha procedurat që parashihen më këtë rast”, tha Haradinaj gjatë një vizite që i bëri Komunës së Ferizajt.

Sipas Rregullores së Punës së Kuvendit të Kosovës, ?një projektligj i propozuar nga Presidenti, deputetët, komisioni parlamentar, grupi parlamentar, zgjedhësit, nëpërmjet Kryesisë së Kuvendit i dërgohet Qeverisë, për mendim”.

Në Rregulloren e Punës theksohet po ashtu se ?Qeveria duhet ta paraqesë mendimin e vetë me shkrim në afat prej një muaji nga dita e pranimit të projektligjit. Aty po ashtu saktësohet se “pas kalimit të këtij afati, projektligji procedohet në Kuvend për shqyrtim”./CNA.al





Lajmet e fundit nga