web counter
LEXO PA REKLAMA!

SHKARKO APP

App Store
Google Play

E fundit!

x

Po i ikte procesit gjyqësor/ Arrestohet në aeroport i akuzuari për terrorizëm

23 Janar 2018, 18:10, Aktualitet CNA

Një person i akuzuar për terrorizëm, Leunis Frangu, është arrestuar mbrëmë në Aeroportin e Prishtinës, ndërkohë që ka ende të hapur një proces gjyqësor për të vërtetuar akuzën e terrorizmit që rëndon mbi të.

Mediat kosovare thonë se policia e ka ndaluar të riun nga Vitia, me të kaluar kontrollin e pasaportës. Lajmin e arrestimit e ka konfirmuar për ?Express? edhe Policia e Kosovës sipas të cilës:

?Bazuar ne urdhër arrestin e lëshuar nga Gjykata kompetente, mbrëmë në Aeroport (në ardhje), është arrestuar një person i cili pastaj sipas procedurave është dërguar ne paraburgim për 48 ore?.

Në vitin 2016, ndaj Leunis Frangut, Prokuroria Speciale kishte ngritur aktakuzën: ?për pjesëmarrje dhe organizim të grupeve terroriste?. Sipas prokurorisë, Frangu më 3 nëntor 2013 nga Aeroporti i Prishtinës ka fluturuar për në Turqi e më pastaj nga atje ka shkuar në kufi me Sirinë ku i është bashkangjitur ISIS-it.

Shqyrtimet gjyqësore ndaj tij ende nuk janë mbajtur. Rrjedhimisht Gjykata Themelore e Prishtinës nuk ka mundur as të nxjerrë verdiktin gjyqësor për të akuzuarin, as pas gati dy vitesh prej ngritjes së aktakuzës ndaj tij, pasi ai ndodhej në arrati.

Më herët, Leunis Frangu kishte mohuar akuzat e prokurorisë duke u deklaruar i pafajshëm në seancën për kundërshtimin e aktakuzës, njofton media kosovare./CNA.al





Lajmet e fundit nga