web counter
LEXO PA REKLAMA!

SHKARKO APP

App Store
Google Play

Kryemadhi tregon përse pranoi të drejtonte LSI-në

23 Janar 2018, 21:27, Aktualitet CNA

Kryetarja e Lëvizjes Socialiste për Integrim, Monika Kryemadhi, ka treguar se përse pranoi që të drejtonte partinë.

Në emisionin “360 gradë” të Artur Zhejit, Kryemadhi tha se drejtimi i partisë i ishte kërkuar nga Petrit Vasili, asokohe kryetar i LSI-së. Sipas saj një ndër arsyet se përse e ka pranuar është me kushtin për të mos pasur ndërhyrje nga Ilir Meta dhe Petrit Vasili.

“Unë nuk doja të bëhesha kryetare e LSI. Kam shumë vite që kontribuoj në politikë. I kam kushtuar më shumë fëmijëve të mi se sa Ilir Metës.

Kur vijmë në momentin e marrjes së LSI është një kërkesë e bërë nga Petrit Vasili. Një nga arsyet që e kam pranuar është se ju lutem të mos më ndërhyni. E di shumë mirë që Ilir Meta do të ndërhynte në vendimmarrjet tona, apo në deklaratat e mia nuk do të isha më vetvetja.

Kjo ka qenë një marrëveshje shumë e mirë midis meje, Petrit Vasilit dhe Ilir Metës.

Akoma po ndihen pasojat e largimit të Sali Berishës. Edhe LSI do t’i duhet kohë për të arritur atë organizim dhe frymëzim që ngjallte Ilir Meta.”, – u shpreh Kryemadhi. /CNA.al





Lajmet e fundit nga