web counter
LEXO PA REKLAMA!

SHKARKO APP

App Store
Google Play

Ish-kryeministri Sali Berisha tregon se çfarë pritet nga protesta e opozitës

23 Janar 2018, 19:40, Aktualitet CNA

Ish-kryeministri Sali Berisha, i ftuar në një intervistë në studion e televizionit Ora News, ka folur rreth protestës së paralajmëruar nga opozita për tu zhvilluar më 27 janar.

Ai u shpreh se qytetarët duhet t’i japin përgjigjen e duhur Edi Ramës pasi ka zhytur vendin në varfëri dhe jo vetëm, dhe ka bërë që qytetarët të largohen nga vendi, si mënyrë për të shpëtuar nga qeverisja e tij dhe korrupsioni.

“Presim që qytetarët shqiptarë ti japin Edi Ramës, qeverisë së tij, leksionin më të merituar. Presim që qytetarët shqiptarë të dëshmojnë para shqiptarëve dhe botës, papajtueshmërinë e tyre me situatën dramatike të korrupsionit të papërmbajtur të narko-shtetit që vendos sot në të gjitha nivelit e këtij shtetit. Presim shprehjen e një vetëdije të interesit shqiptarë për daljen nga kjo gjendje.”, – tha Berisha.

Ai shtohet se nga kjo protestë duhet të rikthehet shpresa e qytetarëve.

Ish-kryeministri u ndal edhe te blerja e votave ku tha:

“Unë jam shprehur për zgjedhjet dhe atë që kam thënë prap u qëndroj, vetëm se asnjë nga ne nuk duhet të harrojë se dhjetëra apo qindra mijëra vota ishin nga paratë e krimit.

Njëra anë blerja direkte e votës, e nga ana tjetër ishte bashkëfajësia në mbjelljen e kanabisit në të gjitha anët ve vendit.

Kompleksi narko-kanabist me shumë të përfshirë. Zgjedhjet e qershorit kishin dhe një zë të dhunshëm brenda pa hequr asnjë pikë nga kritikat e mëparshme.

Tahiri i lidhur kokë e këmbë me atë bandë, por po marrim vetëm targën shtetërore të dhënë kësaj bande, si mjeti më i çmuar i çdo trafiku që çantë çdo postbllok, si mjet i ministrit të Brendshëm. Kjo fakton se njeriu i ngarkuar për të luftuar kanabisin, ishte vetë i përfshirë në to. Pra ishte narko-shteti. E kësisoj qytetarët kanë zgjidhje vetëm rrugën.” /CNA.al





Lajmet e fundit nga