Vrasja Arielës/ Reagon Rrjeti i Monitorimit kundër Dhunës me bazë Gjinore

22 Janar 2018, 19:06, Aktualitet CNA

Pas ngjarjes së ndodhur ditën e djeshme, ku 21-vjeçarja Ariela Murati mbeti viktimë e antentatit të kryer nga i riu Aldison Belulaj, ka reaguar dhe Rrjeti i Monitorimit kundër Dhunës me bazë Gjinore.

Me një letër adresuar presidentit të vendit, Ilir Meta; Kuvendit të Shqipërisë, Edi Paloka dhe Vasilika Hysi si dhe Këshillit të Ministrave, Ogerta Manastirliu, Etilda Gjonaj dhe Fatmir Xhafaj, u kanë bërë thirrje të marrin masa urgjente në parandalimin e viktimave të dhunës me bazë gjinore.

Letra e plotë:

DEKLARATË

NEVOJITEN MASA URGJENTE!

DËSHTIMI I RADHËS NË PARANDALIMIN DHE MBROJTJEN E VIKTIMAVE TË DHUNËS ME BAZË GJINORE!

DREJTUAR:

PRESIDENTIT TË REPUBLIKËS SË SHQIPËRISË,

Zotit Ilir Meta,

KUVENDIT TË REPUBLIKËS SË SHQIPËRISË,

Në vëmendje të zotit Gramoz Ruci, Kryetar i Kuvendit të RSH,

Znj.Vasilika Hysi, Zëvendëskryetare, Kuvendi i Republikës së Shqipërisë,

Nënkomisionit ?Për barazinë gjinore dhe parandalimin e dhunës ndaj gruas? pranë Komisionit përgjegjës për Punën, Çështjet Sociale dhe Shëndetësinë, Kuvendi i Republikës së Shqipërisë,

KËSHILLIT TË MINISTRAVE TË REPUBLIKËS SË SHQIPËRISË,

Në vëmendje të zotit Edi Rama, Kryetar,

Znj. Ogerta Manastirliu, Ministre, Ministria e Shëndetësisë dhe Mbrojtjes Sociale

Znj. Etilda Gjonaj (Saliu), Ministre, Ministria e Drejtësisë

Z.Fatmir Xhafaj, Ministër, Ministria e Brendshme

Një tjetër lajm tronditës për gratë dhe vajzat në shoqërinë shqiptare. Vajza 21 vjeçare, studente në vitin e tretë në Fakultetin e Drejtësisë, Ariela Murati, humbi jetën nga dhuna. Një histori e përsëritur e krimit ndaj vajzave. Paola Bisha, një tjetër 21 vjeçare u vra për të njëjtën arsye në qytetin e Vlorës në vitin 2015. Një tentative vrasjeje u krye ndaj një të miture 14 vjeç nga kushëriri i saj, disa ditë më parë.

Këto ngjarje tregojnë se sa e nevojshme është marrja e masave urgjente, me qëllim rritjen e raportimit të rasteve të dhunës ndaj grave dhe vajzave, në të gjitha format që ajo paraqitet, duke përfshirë edhe kërcënimet për kryerjen e këtyre akteve, si në jetën publike, ashtu edhe private.

Masa urgjente nevojiten edhe për ndërgjegjësimin e shtetasve. Askush nuk ka të drejtë të konsiderojë vajzat dhe gratë si pronë të tyre. Refuzimi nga vajzat dhe gratë për të qenë në një marrëdhënie dashurie, bashkëjetese a martese ose e drejta për të ndërprerë këto marrëdhënie janë shprehje e lirisë së personit dhe duhet të respektohen nga kushdoqoftë.

Anëtarët e Rrjetit të Monitorimit kundër Dhunës me bazë Gjinore bëjnë thirrje që,

Anëtarët e Rrjetit të monitorimit kundër dhunës me bazë gjinore