web counter
LEXO PA REKLAMA!

SHKARKO APP

App Store
Google Play

BE shpejton integrimin e bllokut të Ballkanit perëndimor

22 Janar 2018, 17:24, Aktualitet CNA

Eurokratët janë të gatshëm të bien dakord për një afat kohor deri në vitin 2025 për fillimin e procesit që do të shohë Serbinë, Malin e Zi, Maqedoninë, Shqipërinë, Bosnjën dhe Hercegovinën, si dhe Kosovën të bashkohen me bllokun.

Kështu shkruan mediumi britanik ?Express?, i sjellë në gjuhën shqipe nga ?Telegraf?, sipas të cilit, për këtë drejtim edhe është nisur një përpjekje diplomatike për të përshpejtuar procesin, pas disa vitesh vonese.

?Komisioneri evropian Johannes Hahn tha se masa ishte nxitur nga ringjallja e Rusisë, kriza e migracionit, regjimi autoritar i Turqisë dhe dëshira për të forcuar integrimin evropian pas votimit në Mbretërinë e Bashkuar për Brexit?, shkruan ky medium.

Po sipas ?Express?, ai ka shtuar: ?Ose ne eksportojmë stabilitet në rajon ose importojmë jostabilitet?.

Mediumi britanik thekson se Hahn argumentoi se procesi i zgjerimit të BE-së ishte mënyra më e mirë për të luftuar korrupsionin, krimin e organizuar dhe kërcënimin e autoritarizmit në rajon.

?Një samit i veçantë ballkanik po mbahet në kryeqytetin bullgar Sofje në maj. Një tjetër takim do të mbahet në Britani të Madhe në korrik. Megjithatë, gjashtë vendet duhet të plotësojnë kriteret e anëtarësimit në BE. Sistemet e tyre bankare dhe ligjore janë të dobëta dhe të ardhurat mbeten prapa atyre të eurozonës. Ndarjet e thella vazhdojnë gjithashtu pas konflikteve etnike që çuan në shpërbërjen e Jugosllavisë në vitet 1990?, thuhet në shkrimin e ?Express?-it britanik./CNA.al





Lajmet e fundit nga