E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

Zbardhet udhëzimi/ Sa kontribute për sigurimet do të paguajnë të dypunësuarit

22 Janar 2018, 16:02, Aktualitet CNA

Kontributet e sigurimeve shoqërore për efekt të llogaritjes së pensionit do të paguhen nga të gjithë qytetarët, që janë të dypunësuar, më vete, për çdo vend pune.

Gazeta boton udhëzimin e miratuar nga Drejtoria e Përgjithshme të Tatimeve për llogaritjen e kontributeve dhe sigurimeve shëndetësore për qytetarët që janë të punë- suar në më shumë se një vend pune. Llogaritja e kontributeve do të bëhet sipas pagës, që qytetari merr në secilën punë. Në total, kontributi i sigurimeve shoqërore i llogaritur nuk duhet të jetë më i lartë se kontributi i llogaritur mbi pagën maksimale. Pas ndryshimeve në muajin maj, shuma mujore e kontributeve për të punësuarit me pagë maksimale është bërë 29,532 lekë nga 27,071 lekë, që ishin më parë.

UDHËZIMI

Në udhëzimin e Drejtorisë së Përgjithshme të Tatimeve thuhet se pagesa e kontributeve të sigurimeve shoqërore dhe shëndetësore për personat e dypunësuar është i detyrueshëm. Në rast se paga e qytetarit është më e lartë se paga minimale prej 24 mijë lekësh, llogaritja e kontributeve bëhet sipas pagës që merr. Në udhëzim, Tatimet shpjegojnë se kontributet e sigurimeve shoqërore për efekt pensioni, në total, për të dy vendet e punës nuk mund të jenë më shumë se kontributi që paguhet për pagën maksimale.

E thënë ndryshe, kontributet nuk mund të jenë më shumë se 29,532 lekë. ?Kur i njëjti person është ekonomikisht aktiv në dy ose më shumë subjekte dhe në secilin prej tyre merr pagë më të lartë se paga minimale, llogaritja e kontributit të sigurimit shoqëror dhe sigurimit të kujdesit shëndetësor është e detyrueshme për çdo subjekt.

Në këtë rast, llogaritja e kontributit të sigurimit të kujdesit shëndetësor bëhet sipas pagës përkatëse, qëmerr nga secili subjekt, ndërsa masa e llogaritur e kontributeve të sigurimeve shoqërore, në total, të jetë jo më shumë se kontributi i llogaritur mbi pagën maksimale?, shpjegohet në udhëzimin e Tatimeve. Kontributet e sigurimeve shoqërore dhe shëndetësore do të paguhen edhe në rast se qytetari paguhet në njërën nga vendet e punës me një rrogë më të vogël se paga minimale prej 24 mijë lekë.

?Kur i njëjti person është ekonomikisht aktiv në dy ose më shumë subjekte, dhe në njërin prej tyre paga është më e vogël se paga minimale, llogaritja e kontributit të sigurimit shoqëror dhe sigurimit të kujdesit shëndetësor është e detyrueshme për çdo subjekt. Në këtë rast, llogaritja e kontributit të sigurimit të kujdesit shëndetësor bëhet sipas pagës përkatëse, që merr nga secili subjekt, ndërsa llogaritja për kontributet e sigurimeve shoqërore, në total, të jetë jo më shumë se kontributi i llogaritur mbi pagën maksimale?, thuhet në udhëzimin e Tatimeve./panorama