E fundit!

12:23 Aktualitet

Ja kush e merr drejtimin e Policisë së Vlorës

Edvin Ndreu, i renditur me 84 pikë në garën për drejtoritë...

Lajm i mirë për monumentet e kulturës në Durrës

14 Janar 2018, 14:56, Aktualitet CNA

Drejtoria rajonale e monumenteve të kulturës Durrës ka informuar publikun se një tjetër monument, pjesë e tashëgimisë sonë kulturore në Durrës iu nënshtrua punimeve të restaurim-konservimit.

Në Bazilikën e Arapjt u bënë një sërë punimesh restauruese konservuese si psh. mbulimi me strehë me tjegulla marsejeze për ta mbrojtur nga ndikimi negativ i agjentëve atmosferikë. Në bazilikë është zbuluar edhe një mozaik i mrekullueshëm (shek. V pas Krishtit) me skena baritore të konceptuara sipas kanuneve të artit paleokristian. Pikërsiht ky mozaik për tu mbrojtur u mbulua me një stresë plasmasi dhe një sasi rëre, që siguron jo vetëm mbrojtje maksimale nga shirat, erërat etj, por edhe e lejon bërjen të shikueshëm të mozaikut nga vizitorët e turistët e ndryshëm.

Njëlloj si në rastin e mureve të antikitetit të vonë të kështjellës së Durrësit në zonën e Porto-Romanos, apo të mureve të Kalasë së Bashtovës edhe në rastin e Bazilikës së Arapajt kemi një restaurim konservim të këtyre monumeteve të kulturës të klasit të parë, që i shndërrojnë ato në objekte të vizitueshme. Pikërsiht kjo risi duhet t?u shërbejë kompanive të turizmit, që të shtojnë ofertën turistike (turizmi kulturor) të Durrësit për turistët e huaj sidomos ato të krocierave dhe të grupeve të organzuara turistike, që vizitojnë njëherësh disa vende të Ballkanit përfshirë edhe Shqipërinë.

Bazilika e Arapajt

Kjo bazilikë, që mban emrin e fshatit Arapaj afër Durrësit, u zbulua nga një ekip arkeologësh durrsakë nën drejtimine arkeologut Sali Hidri në gjysmën e dytë të viteve 80-të të shekullit të kaluar. Bazilika është e shek V pas Krishtit dhe i përket teknikave të ndërtimit bizantin të kishave paleokristiane. Bazilika ka pësuar një rikonstruksion të thellë në shek XII deri XIV. Vlerat e bazilikës shtohen nga mozaiku, që përmendëm më sipër, i cili është përgjithsisht i ruajtur mirë duke u bërë kështu mjaft tërheqës për turistët e vizitorët e huaj vecanërsiht për të bërë foto të tipit suvenir. /GJERGJ THANASI/CityNews