E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Rrëzimi i kryeprokurores dhe Ramës/ Zbulohen pesë skenarët e PD

29 Dhjetor 2017, 10:01, Aktualitet CNA

Opozita vijon me takimet dhe konsultat në funksion të organizimit të protestave në janar, kundër zgjedhjes së kryeprokurores së përkohshme Arta Marku si dhe me qëllim rrëzimin e qeverisë ?Rama 2?.

Ditët e fundit, kreu I PD, Lulzim Bash aka zhvilluar takime me përfaqësues të PD në nivele të ndryshme, ku janë diskutuar dhe shqyrtuar një numër skenarësh të mundshëm.

Shqiptarja.com, nga burime pranë rrethit të ngushtë të Bashës, ka mësuar skenarët kryesorë.

Një nga planet konsiston që, në muaj janar të organizohet një protestë, me qëllim për të testuar mbështetjen popullore.

Në varësi të mbështetjes, aksioni politik të nisë në fillim të pranverës.

Një tjetër variant e konsideron pa asnjë efekt organizimin e një proteste të vetme, sado masive të jetë.

Ky variant i diskutuar parashikon organizimin e një proteste maratonë para Kryeministrisë, edhe si formë presioni për ndonjë veprim të kryeprokurores së re kundër eksponentëve të opozitës, gjatë javëve të para të janarit, kohë gjatë të cilës amerikanët kanë kërkuar goditjen e peshqve të mëdhenj.

Por, protesta maratonë mbart një rrezik të madh dështimi pas ditës së dytë.

Në këto kushte, sipas burimeve, gjatë takimeve është diskutuar një tjetër skenar, i cili parashikon mundësinë e ngritjes së çadrës 2, me disa ndryshime nga çadra e parë, për të organizuar një protestës me turne, e cila mund të zgjasë disa muaj, në varësi të plotësimin të kërkesave.

Ndërkaq, ka një propozim tjetër për të gjetur një mënyrë më novatore dhe befasuese, për të mundësuar një protestës të gjatë, pasi përsëritja e çadrës do ta bënte protestën monotone dhe pa efekt.

Është diskutuar edhe një skenar më ekstrem, i mbështetur nga një grup i caktuar, i cili parashikon djegien e mandateve dhe protestave të pakontrolluara.

Por, ky skenar mbart gjithashtu një rrezik të madh, pasi mund të çonte në një izolim të ekstrem ndërkombëtar të PD dhe në daljen e saj nga skena politike.

Sa i përket LSI, në Partinë Demokratike ka dy rryma mendimi. Grupi i parë e sheh Lëvizjen Socialiste për Integrim si një faktor që kompromenton kauzën e Partisë Demokratike, për shkak se LSI ka qenë deri para disa muaj në pushtet si dhe është bashkëpërgjegjëse me PS.

Gjatë takimeve, përfaqësuesit e këtij grupi, kanë kërkuar një distancim gradual me LSI.

Ndërsa grupi i dytë, e sheh LSI si një fuqi shtesë për aksionin opozitar, duke i dhënë një dimension më të madh presionit ndaj qeverisë dhe protestave të planifikuara. Kryetari i PD, Lulzim Basha, deri më tani, ka mbajtur ekuilibrin mes këtyre dy rrymave.