web counter
LEXO PA REKLAMA!

SHKARKO APP

App Store
Google Play

LSI braktiset nga militantët

29 Dhjetor 2017, 08:54, Aktualitet CNA

Fronti opozitar ka paralajmëruar në janar protesta kundrejt qeverisë. Por edhe pse Partia Demokratike prej afro tre ditësh ka nisur mobilizimet në bazë për protestat që do të organizojë, nuk po ndodh e njëjta gjë me aleaten e saj, LSI-në.

Kjo për faktin se LSI akoma nuk ka nisur angazhimet për mobilizimin e bazave pasi po has vështirësi të shumta. Sipas informacioneve, një pjesë e madhe e bazës ka filluar të braktisë LSI-në, si pasojë se vazhdon të jenë pjesë e administratës shtetërore dhe nuk do që të rrezikojë vendet e punës duke u ekspozuar në protesta.

Ndërkohë, sipas gazetës Sot, një pjesë tjetër e militantëve të kësaj force që vazhdon të jetë pjesë e administratës po komfortohen sikur nuk janë të LSI duke shmangur çdo takim që baza e kësaj force organizon.

Por veç kësaj, sipas burimeve, shumë militantë të tjerë po afrohen drejt PS për të ruajtur pozicionet e punës që kanë në administratat shtetërore.

Megjithatë problemet e LSI nuk mbarojnë me kaq, pasi edhe pjesa e militantëve që është shkarkuar nga administrata nuk po i bindet më bazës, pasi edhe pse janë në procese gjyqësore me qeverinë për vendet e punës apo kanë apeluar shkarkimet e tyre nga puna, shpresojnë që të rikthehen përsëri.

Madje kjo shpresë i ka bërë ata që të distancohen nga LSI. Ndërkaq problemet e LSI me bazën po duken edhe tek këshilltarët bashkiak të kësaj force, të cilët pas largimit të Metës nga kreu i partisë nuk po i binden më Kryemadhit pasi kanë kaluar në krah të socialistëve.

 





Lajmet e fundit nga